Pushpa2: దేవుడా.. పుష్ప2 టీజర్ ప్రచారం కోసం అంత ఖర్చు చేశారా?

అల్లు అర్జున్ సుకుమార్ కాంబినేషన్ లో తెరకెక్కుతున్న పుష్ప2 సినిమాకు సంబంధించి ఏ చిన్న అప్ డేట్ వచ్చినా ఆ అప్ డేట్ సినిమాపై అంచనాలను ఊహించని రేంజ్ లో పెంచడంతో పాటు పుష్ప2 ష్యూర్ షాట్ ఇండస్ట్రీ హిట్ అనే నమ్మకాన్ని కలిగిస్తోంది. పుష్ప2 సినిమా నుంచి తాజాగా టీజర్ రిలీజ్ కాగా ఈ టీజర్ కు రికార్డ్ స్థాయిలో వ్యూస్ వస్తున్నాయి. పుష్ప2 తెలుగు టీజర్ కు ఏకంగా 18 మిలియన్ల వ్యూస్ వచ్చాయి.

194 సెకన్ల నిడివి ఉన్న ఈ వీడియో నెటిజన్లను ఎంతగానో ఆకట్టుకుంటోంది. పుష్ప2 వీడియో పబ్లిసిటీ ఖర్చు ఏకంగా 4 కోట్ల రూపాయలు అని సమాచారం అందుతోంది. ఒక పెద్ద సినిమా రిలీజయ్యే సమయంలో అయ్యే ఖర్చుకు సమానంగా ఈ వీడియో కోసం ఖర్చు చేశారు. ఆర్ఆర్ఆర్ మూవీ టార్గెట్ గా ఈ టీజర్ కోసం ఈ రేంజ్ లో ఖర్చు చేశారని ఇండస్ట్రీ వర్గాల్లో జోరుగా వినిపిస్తుండటం గమనార్హం.

పుష్ప2 (Pushpa2) టీజర్ తో సినిమాపై అంచనాలు అమాంతం పెరిగాయి. అయితే సుకుమార్ ప్రేక్షకుల అంచనాలకు భిన్నంగా ఈ సినిమాను తెరకెక్కిస్తున్నారని అర్థమవుతోంది. సినిమాలో షాకింగ్ ట్విస్టులు ఉండబోతున్నాయని మరి కొందరు అభిప్రాయం వ్యక్తం చేస్తున్నారు. పుష్ప2 టార్గెట్ 1000 కోట్ల రూపాయలు కావడంతో నిర్మాతలు సైతం ఈ సినిమా ఖర్చుకు సంబంధించి అస్సలు రాజీ పడటం లేదని సమాచారం అందుతోంది.

పుష్ప2 రిలీజ్ డేట్ కు సంబంధించి కూడా త్వరలో స్పష్టత వచ్చే అవకాశం ఉంటుంది. బన్నీ, సుకుమార్ ఈ సినిమాకు సంబంధించి ఎన్నో జాగ్రత్తలు తీసుకుంటున్న సంగతి తెలిసిందే. ఈ సినిమా డిజిటల్, శాటిలైట్ హక్కులకు భారీ రేంజ్ లో డిమాండ్ నెలకొంది. బన్నీకి పుష్ప2 సినిమాతో కెరీర్ బిగ్గెస్ట్ హిట్ దక్కే అవకాశం ఉందని కామెంట్లు వినిపిస్తున్నాయి. త్వరలో పుష్ప2 సినిమాకు సంబంధించి మరిన్ని షాకింగ్ అప్ డేట్స్ రానున్నాయి.

రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!

ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!