స్టార్ హీరో ప్రభాస్ కు దేశవిదేశాల్లో ఊహించని స్థాయిలో ఫ్యాన్ ఫాలోయింగ్ ఉంది. బాహుబలి సిరీస్, సాహో సినిమాలతో ప్రభాస్ ఊహించని స్థాయిలో పాపులారిటీని సంపాదించుకున్నారు. ప్రభాస్ ను కలవాలని విదేశాల నుంచి కూడా అభిమానులు భారత్ కు వస్తున్నారు. ప్రభాస్ నటించిన రాధేశ్యామ్ మార్చి 11వ తేదీన రిలీజ్ కానుండగా ఈ సినిమాకు పలు దేశాల్లో ఇప్పటికే అడ్వాన్స్ బుకింగ్ మొదలైంది. అయితే ఆస్ట్రేలియాలోని మెల్ బోర్న్ ఐమాక్స్ లో ఈ సినిమా టికెట్లు 90 శాతం అమ్ముడయ్యాయని తెలుస్తోంది.
సినిమా విడుదలకు 17 రోజుల సమయం ఉన్నప్పటికీ ఈ స్థాయిలో టికెట్లు అమ్ముడవడం గమనార్హం. గతంలో ఏ సినిమాకు ఈ ఐమాక్స్ లో విడుదలకు ముందే ఈ స్థాయిలో టికెట్లు అమ్ముడవలేదని ఒక విధంగా ఇది రికార్డ్ అని సమాచారం. రిలీజ్ కు ముందే రాధేశ్యామ్ తో ప్రభాస్ ఖాతాలో రికార్డులు చేరుతున్నాయి. ప్రభాస్ ప్రస్తుతం నటిస్తున్న సినిమాలు విజయాలను అందుకుంటే ప్రభాస్ రేంజ్ మరింత పెరుగుతుందనే కామెంట్లు వినిపిస్తున్నాయి.
ప్రభాస్ కు విదేశాల్లో ఉన్న క్రేజ్ చూసి ఇతర హీరోల అభిమానులు అవాక్కవుతున్నారు. ప్రభాస్ నటిస్తున్న ఆదిపురుష్ సినిమా షూటింగ్ ఇప్పటికే పూర్తైంది. ప్రభాస్ ప్రస్తుతం సలార్, ప్రాజెక్ట్ కే సినిమాల షూటింగ్ లో పాల్గొంటున్నారు. ఒకే సమయంలో ఒకటి కంటే ఎక్కువ సినిమాల షూటింగ్ లో ప్రభాస్ పాల్గొంటుండటం గమనార్హం. ప్రభాస్ ఈ సినిమాలతో పాటు మారుతి, సందీప్ రెడ్డి వంగా డైరెక్షన్ లో సినిమాలకు గ్రీన్ సిగ్నల్ ఇచ్చారు.
మారుతి సినిమా మినహా ప్రభాస్ నటిస్తున్న సినిమాలన్నీ పాన్ ఇండియా సినిమాలుగా తెరకెక్కుతుండగా వేగంగా సినిమాలను పూర్తి చేస్తూ ప్రభాస్ అభిమానులను సైతం ఆశ్చర్యానికి గురి చేస్తుండటం గమనార్హం. ప్రభాస్ రాధేశ్యామ్ రిలీజైన తర్వాత ఇంకెన్ని రికార్డులను క్రియేట్ చేస్తారో చూడాలి. ప్రభాస్ హీరోయిన్ల ఎంపిక విషయంలో కూడా జాగ్రత్తలు తీసుకుంటున్నారు.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
