మధురమైన ప్రేమకావ్యంలో చివరకి ఏమవుతుంది..?

ఫిబ్రవరి 14వ తేదీ కోసమే ఇప్పుడు ప్రభాస్ ఫ్యాన్స్ అందరూ వెయిట్ చేస్తున్నారు. దేనికీ అనుకుంటున్నారా.. రాధేశ్యామ్ గ్లింప్స్ కోసం. టీజర్ లాగా వస్తుందా.. లేదా డైలాగ్స్ ఏమీ లేకుండా ప్యాన్ ఇండియా రేంజ్ లో ఒకటే గ్లింప్స్ వస్తుందా అనేది ఆసక్తిని రేపుతోంది. నిజానికి అన్ని భాషల్లో కలిపి ఒకటే గ్లింప్స్ ని గనక రిలీజ్ చేస్తే వ్యూస్ లో రికార్డ్స్ మోత మోగిపోవడం గ్యారెంటీ. అయితే, ఇప్పుడు అసలు జిల్ ఫేమ్ డైరెక్టర్ రాధాకృష్ణ ప్రభాస్ ని ఎలా చూపించాడు..? ఈ లవ్ స్టోరీ ఎంతవరకూ స్క్రీన్ పైన వర్కౌట్ అవుతుంది అనే సందేహాలు ఫ్యాన్స్ ని వెంటాడుతున్నాయి.

నిజానకి విక్రమాదిత్య రోల్ సినిమాకే హైలెట్ అని అంటున్నారు. పునర్జన్మ ఆధారంగా ఈసినిమా ఉన్నా కూడా విక్రమ్ ప్రేరణల లవ్ స్టోరీ చరిత్రలో నిలిచిపోతుందని కాన్ఫిడెంట్ గా చెప్తున్నారు. విక్రమ్ ప్రేరణని అంతలా ప్రేమిస్తాడని, ప్రేమించడంలో విక్రమాదిత్య రూటే సపరేట్ అని చెప్తోంది మూవీటీమ్. మధురమైన ఈ ప్రేమకావ్యంలో క్లైమాక్స్ ఎలా ఉండబోతోంది అనేదే ఆసక్తికరంగా మారింది. ఇద్దరూ ప్రేమికులు చనిపోతారా..? చనిపోయి మళ్లీ జన్మిస్తారా…? లేదా వారి ప్రేమని సఫలం చేసుకుంటారా , ఒకరికోసం ఒకరు శాక్రిఫైజ్ చేసుకుంటారా అనేది ఫ్యాన్స్ లో ఎంతో క్యూరియాసిటీని నింపుతోంది.

అయితే, యాక్షన్ అభిమానులని నిరాశ పర్చకుండా ఈ సినిమాలో రెండు ఫైట్స్ ఉంటాయట. అంతేకాదు, అమరమైన వీరి ప్రేమకి ఎన్నో గుర్తులు కూడా ఉంటాయని, ఖచ్చితంగా ఈ ప్రేమ జంట సిల్వర్ స్క్రీన్ పై అందర్నీ ఆకట్టుకుంటుందని అంటున్నారు. బాలీవుడ్ భామ భాగ్యశ్రీ కీలకమైన రోల్ లో నటిస్తున్న ఈసినిమా ఎప్పుడు రిలీజ్ కాబోతోందనేది టీజర్ లో చెప్పబోతున్నారు. మొత్తానికి ఈ ప్రేమకావ్యం ఫ్యాన్స్ ని ప్రేమలో పడేసేలాగానే కనిపిస్తోంది.

Most Recommended Video

వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!