నవ్వించడం చాలా కష్టం.. అందులోనూ భయపెడుతూ నవ్వించడం చాలా కష్టం. అయితే ఈ కష్టాన్ని ఎంతో ఇష్టంగా చేసి వరుస విజయాలు అందుకుంటున్న హీరో లారెన్స్ (Raghava Lawrence). ‘కాంచన’ అంటూ వరుస సినిమాలు చేసి భారీ విజయాలు అందుకున్న లారెన్స్ ఇప్పుడు మరోసారి అదే ప్రయత్నం చేయబోతున్నాడు. మూడుసార్లు ‘కాంచన’ (Kanchana) అవతారం ఎత్తిన ఆయన.. ఇప్పుడు నాలుగోసారి అదే పని చేయబోతున్నాడు. ‘గంగ’ (Kanchana 2), ‘కాంచన’, ‘కాంచన 2’, ‘కాంచన 3’.. ఇలా లారెన్స్ భయపెట్టి నవ్వించడం గతంలోనే చేశారు.
ఈ సినిమాలు ఒక‌దానికి మించి మ‌రొకటి వ‌సూళ్లు అందుకున్నాయి. అయితే ఏమైందో ఏమో హార‌ర్ కామెడీ సినిమాలకు బ్రేక్ ఇచ్చాడు లారెన్స్. ఆయన సినిమాలను ఫాలో అవుతూ ఇతర నటులు, దర్శకులు చేసిన సినిమాలు తేడా కొట్టడంతో లారెన్స్ ఆపేశాడు అని అనుకున్నారు. అయితే ఇప్పుడు ‘స్త్రీ 2’ అనే సినిమా బాలీవుడ్‌లో భారీ విజయం అందుకున్నాక.. ఇలాంటి సినిమాలకు ఇంకా రోజలు ఉన్నాయి అని నిరూపించింది.
అదే కారణమో లేక ఇంకో వేరే కారణమో కానీ.. ఇప్పుడు లారెన్స్ (Lawrence) తిరిగి ఆ స్టైల్‌ కథతో మరోసారి రావాలని లారెన్స్ ఫిక్స్‌ అయ్యారు. ‘కాంచన 4’ స్క్రిప్టుని త్వరలో సెట్స్‌పైకి తీసుకెళ్ల‌డానికి సిద్ధ‌మ‌య్యాడు. ఈ సినిమాను గోల్డ్ మైన్ సంస్థ నిర్మించ‌నుంది. మామూలుగా ఇలాంటి సినిమాల్లో లారెన్స్ సరసన స్టార్‌ హీరోయిన్లే నటిస్తూ వచ్చారు. ఆ సినిమా రూపొందుతున్న సమయంలో స్టార్‌ హీరోయిన్‌గా ఉన్నామెనే తీసుకుంటూ ఉంటారు.
మరి ఈసారి ఎవరిని తీసుకుంటారో చూడాలి. అయితే ఇప్ప‌టివ‌ర‌కూ హార‌ర్ సినిమా చేయ‌ని క‌థానాయికనే తీసుకుంటాం అని అనుకుంటున్నారట. అన్నీ అనుకున్నట్లుగా జరిగితే వచ్చే నెల‌లో షూటింగ్ ప్రారంభ‌మ‌య్యే అవ‌కాశం ఉందంటున్నారు. వచ్చే ఏడాది చివర్లో సినిమాను విడుద‌ల చేస్తారు అని టాక్‌. ఇక ప్రస్తుతం లారెన్స్ (Lawrence) ‘బెంజ్‌’ సినిమా చిత్రీక‌ర‌ణలో బిజీగా ఉన్నారు. ప్రముఖ దర్శకుడు లోకేశ్‌ క‌న‌గ‌రాజ్ ఈ సినిమాకు క‌థను అందించారు.
Home