‘ది ఫ్యామిలీ మ్యాన్ 2’ సిరీస్ తో ప్రేక్షకులను ఆకట్టుకుంది సమంత. ఇందులో రాజీ అనే పాత్రలో ఆమె నటనకు ప్రశంసలు దక్కుతున్నాయి. సోషల్ మీడియాలో ఈ రోల్ గురించి తెగ చర్చించుకుంటున్నారు. సమంత ఈ రోల్ కోసం ఎంతో కష్టపడింది. ఎంతో సహజంగా కనిపించింది. అయితే సీజన్ చివరి ఎపిసోడ్ లో ఈ పాత్ర చనిపోయినట్లుగా చూపించారు. కానీ ఇప్పుడు ఈ పాత్రను కొనసాగించాలని చూస్తున్నారు దర్శకనిర్మాతలు.
ఈ సిరీస్ ను తెరకెక్కించిన రాజ్ అండ్ డీకే.. రాజీ ఫ్లాష్ బ్యాక్ తో కథను నడిపించాలని చూస్తున్నారు. రాజీ ఎక్కడ నుండి వచ్చింది..? ఆమె గతం ఏంటనే అంశాలను ఫ్యామిలీ మ్యాన్ 2 లో చూపించలేదు. తన గతం గురించి సమంత కొన్ని డైలాగ్స్ మాత్రం చెబుతుంది. ఇప్పుడు ఆ పాత్రను ఆధారంగా చేసుకొని కథను నడిపించాలని ప్లాన్ చేస్తున్నారు. అయితే ఈసారి వెబ్ సిరీస్ కోసం మాత్రం కాదు. రాజీ పాత్రతో సినిమా తీస్తారట.
దానికోసం ముందుగానే సమంతతో సంప్రదింపులు జరిపారట. ‘ఫ్యామిలీ మ్యాన్ 2’ కథ చెప్పినప్పుడే రాజీ పాత్రతో ఓ సినిమా చేస్తామని సమంతకు మాటిచ్చారట. గతంలో తాప్సీ అంటించిన ‘బేబీ’ సినిమా విషయంలో కూడా ఇలానే చేశారు. అందులో తాప్సీ రోల్ ని తీసుకొని ‘నామ్ షబానా’ అనే సినిమాను తెరకెక్కించారు. ఇప్పుడు అలానే రాజీకి ప్రీక్వెల్ తీయబోతున్నారన్నమాట. మరి దీన్ని థియేటర్లో విడుదల చేస్తారో లేక ఓటీటీకి ఇస్తారో చూడాలి!
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home