ప్రేమమ్ పాపకి కూడా సినిమా చూపిస్తాడంట !

రచయిత సతీష్ వేగేశ్న దర్శకత్వంలో దిల్ రాజు నిర్మించనున్న చిత్రం ‘శతమానంభవతీ’. ఈ చిత్రంలో యంగ్ హీరో రాజ్ తరుణ్ నటిస్తోండగా.. రాజ్ తరుణ్ సరసన మలయాళం బ్యూటీ అనుపమ పరమేశ్వరన్ ను ఎంపిక చేసినట్లు వార్తలు వినిపిస్తున్నాయి.

ప్రస్తుతం ఈ చిత్రానికి సంబంధించిన ప్రీ ప్రొడక్షన్ కార్యక్రమాలు జరుగుతున్నాయి. ప్రేమమ్ చిత్రం ద్వారా వెలుగులోకి వచ్చిన ఈ మలయాళీ బ్యూటీ ప్రస్తుతం తెలుగులో కాస్త బిజీగానే ఉన్నట్లు కనిపిస్తోంది. నాగచైతన్య నటిస్తున్న ‘ప్రేమమ్’ లో, త్రివిక్రమ్ తెరకెక్కిస్తున్న ‘అ..ఆ’లో, రవితేజ తదుపరి చిత్రంలోనూ ఈ ముద్దుగుమ్మ నటిస్తోంది. ప్రేమమ్ ఇచ్చిన అవకాశాలు అనుపమ బాగానే అందిపుచ్చుకుంటోంది.