‘ఈ నగరానికి ఏమైంది’ పై రాజమౌళి కామెంట్

తొలిసారి సున్నితమైన ప్రేమకథని అద్భుతంగా తెరకెక్కించి తరుణ్ భాస్కర్‌ అభినందనలు అందుకున్నారు. విజయ్ దేవరకొండ హీరోగా రూపుదిద్దుకున్న పెళ్లిచూపులు అందరి మనసులు గెలుచుకుంది. భారీ కలక్షన్స్ రాబట్టింది. అలాగే జాతీయ అవార్డులను తీసుకొచ్చింది. ఈ సినిమా తర్వాత చాలా మంది స్టార్స్ తరుణ్ దర్శకత్వంలో నటించడానికి ముందుకువచ్చారు. అయినా తరుణ్ భాస్కర్ సాహసం చేయడానికే సిద్ధపడ్డారు. నూతన నటీనటులు విశ్వక్సేన్‌ నాయుడు, సుశాంత్‌రెడ్డి, అభినవ్‌ గోమతం, వెంకటేశ్‌ కాకుమాను, అనిషా ఆంబ్రోస్‌, సిమ్రన్‌ చౌదరిలతో “ఈ నగరానికి ఏమైంది” అనే సినిమాని తీశారు.

సురేష్ ప్రొడక్షన్ బ్యానర్లో సురేష్ బాబు నిర్మించిన ఈ సినిమా ఈరోజు (శుక్రవారం) రిలీజ్ అయి మంచి స్పందన అందుకుంది. చూసినవారంతా… ద్వితీయ విఘ్నాన్ని తరుణ్ భాస్కర్ అధిగమించారని కితాబు ఇస్తున్నారు. ఈ సినిమాని చూసిన దర్శకధీరుడు రాజమౌళి తన అభిప్రాయాన్ని ట్విట్టర్ పై వెల్లడించారు. “తరుణ్‌ భాస్కర్‌ మరోసారి నిరూపించారు. నవ్వులతో కూడుకున్న ఎంతో ప్రశాంతమైన సినిమా. ‘ఈ నగరానికి ఏమైంది’ చిత్ర బృందానికి శుభాకాంక్షలు” అని ట్వీట్ చేశారు.