రాజమౌళి డైరెక్షన్ లో తెరకెక్కిన ఆర్ఆర్ఆర్ మూవీ వీక్ డేస్ లో ఆశించిన స్థాయిలో కలెక్షన్లు సాధించకపోయినా థర్డ్ వీకెండ్ లో కూడా ఈ సినిమాకు బుకింగ్స్ బాగానే ఉన్నాయనే సమాచారం అందుతోంది. ఆర్ఆర్ఆర్ సినిమాతో ఎన్టీఆర్, చరణ్ ఖాతాలో బిగ్గెస్ట్ బ్లాక్ బస్టర్ హిట్ చేరడంతో అభిమానులు సంతోషిస్తున్నారు. దాదాపుగా అన్ని ఏరియాల్లో ఆర్ఆర్ఆర్ మూవీ బ్రేక్ ఈవెన్ కావడం గమనార్హం. తెలుగు రాష్ట్రాల డిస్ట్రిబ్యూటర్లకు మాత్రం ఆర్ఆర్ఆర్ మూవీ అంచనాలకు మించి లాభాలను అందించింది.
తాజాగా రాజమౌళి ఆర్ఆర్ఆర్ సినిమా గురించి మాట్లాడుతూ ఆసక్తికర విషయాలను వెల్లడించారు. ఇప్పటివరకు నా కెరీర్ బెస్ట్ మూవీ ఆర్ఆర్ఆర్ అని అనిపిస్తోందని తాను ఆర్ఆర్ఆర్ సినిమాను ఇంకా ప్రేమిస్తున్నానని జక్కన్న అన్నారు. అయితే తన కెరీర్ బెస్ట్ మూవీ ఏదనే ప్రశ్నకు మరో ఏడు నెలల తర్వాత సరైన ఆన్సర్ చెప్పగలనని రాజమౌళి చెప్పుకొచ్చారు. అయితే పెర్ఫామెన్స్ ల విషయంలో చూసుకుంటే మాత్రం ఆర్ఆర్ఆర్ బెస్ట్ వర్క్ అని జక్కన్న కామెంట్లు చేశారు.
సినిమాలో చరణ్ తారక్ వర్క్ సూపర్ అని నా కెరీర్ లో బెస్ట్ ఎపిసోడ్ ఏంటనే ప్రశ్నకు మాత్రం కొమురం భీముడో సాంగ్ అని సమాధానంగా చెబుతానని రాజమౌళి వెల్లడించారు. తన తర్వాత సినిమాపై ఆర్ఆర్ఆర్ ప్రభావం ఉండదని రాజమౌళి కామెంట్లు చేశారు సినిమాకు వచ్చిన ప్రశంసల్ని తీసుకుంటామని జక్కన్న చెప్పుకొచ్చారు. 2 నెలల గ్యాప్ తీసుకుని మళ్లీ ఫ్రెష్ గా స్టార్ట్ అవుతామని రాజమౌళి వెల్లడించారు. ఈ గ్యాప్ లో కుటుంబంతో కలిసి కూర్చుని ఆర్ఆర్ఆర్ సినిమా విషయంలో జరిగిన తప్పుల గురించి చర్చిస్తానని రాజమౌళి పేర్కొన్నారు.
సినిమాను ఎలా బాగు చేయొచ్చు అనే విషయాలను మొహమాటం లేకుండా మాట్లాడతామని రాజమౌళి అన్నారు. అక్కడితో ఆర్ఆర్ఆర్ ఛాప్టర్ క్లోజ్ అయ్యి తర్వాత ప్రాజెక్ట్ మొదలవుతుందని రాజమౌళి చెప్పుకొచ్చారు.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home