ఆ నటుడి పై చాలా సీరియస్ గా ఉన్న రాజమౌళి..!

‘ఆర్.ఆర్.ఆర్’ ఈ చిత్రం కోసం ఇండియన్ లెవెల్లో ప్రేక్షకులు ఎదురుచూస్తున్నారు. మన టాలీవుడ్ లో కొన్ని మల్టీ స్టారర్ సినిమాలు వచ్చి అలరించినప్పటికీ… ఇద్దరు స్టార్ హీరోలు కలిసి నటిస్తున్న భారీ మల్టీ స్టారర్ సినిమా మాత్రం ఇదే..! అందులోనూ ఈ చిత్రాన్ని రాజమౌళి తెరకెక్కిస్తున్నాడు. అది ‘బాహుబలి’ తరువాత వస్తోన్న చిత్రం. కాబట్టి స్క్రిప్ట్ దగ్గర్నుండీ జక్కన్న ఎన్నో జాగ్రత్తలు తీసుకుంటూ వస్తున్నాడు. ఒక్క అప్డేట్ కూడా లీక్ అవ్వకుండా .. రాజమౌళి అండ్ టీం అనుక్షణం జాగ్రత్త పడుతున్నారు. అయితే ఈ చిత్రంలో డైలాగులు కూడా లేని ఓ నటుడు కొన్ని కీలకమైన సన్నివేశాల గురించి లీక్ చేయడంతో రాజమౌళి కి చాలా కోపం తెప్పించిందట.

ఈ చిత్రంలో రాంచరణ్, ఎన్టీఆర్ ల మధ్య ఓ ఫైట్ సీన్ ఉంటుందని .. అందులో భాగంగా చరణ్ అంటే అల్లూరి సీతారామ రాజు… ఎన్టీఆర్ అనగా కొమరం భీమ్ ను కొడతాడని ఈ నటుడు చెప్పుకొచ్చాడు. అక్కడితో ఆగలేదు.. ‘ఓ సీన్లో చరణ్ బ్రిటిషర్ డ్రెస్ లో ఉంటే.. తారక్ కుర్తా ఫైజమాలో ఉంటాడని కూడా లీక్ చేశాడు. తన సినిమా విషయంలో రాజమౌళి ఎంత శ్రద్ధ వహిస్తాడో ప్రత్యేకంగా చెప్పనక్కర్లేదు.. అలాంటిది ఏకంగా 400 కోట్లు పెట్టి తీస్తున్న సినిమా విషయంలో ఇంకెన్ని జాగ్రత్తలు తీసుకుంటాడో.. మనం అర్థం చేసుకోవచ్చు. ప్రస్తుతం ఈ టాపిక్ పెద్ద వైరల్ గా మారింది. ఇక ‘ఆర్.ఆర్.ఆర్’ చిత్రం 2021 జనవరి 8న విడుదల కాబోతుంది.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!