ఇంకో నెలలో నెక్స్ట్ సినిమా స్టార్ట్ చేస్తున్నాడు..!

దర్శకధీరుడు రాజమౌళి “బాహుబలి” విడుదలై నాలుగు నెలలు పూర్తయినా ఇంకా తదుపరి చిత్రం ఏమిటనేది అఫీషియల్ గా ఎనౌన్స్ చేయకపోవడంతో.. అల్లు అర్జున్ తో అని కొందరు, ఎన్టీయార్ తో అని ఇంకొందరు రకరకాల కథనాలు ప్రచురించారు. అయితే..ఆ కథనాలన్నిట్నీ కాదంటూ సింపుల్ గా నెక్స్ట్ మంత్ తన కొత్త సినిమాను ఎనౌన్స్ చేయనున్నాడు రాజమౌళి.

ఇంతకీ సినిమా ఎవరితో అనుకొంటున్నారా.. అక్కినేని అందగాడు అఖిల్ తో. ప్రస్తుతం విక్రమ్ కుమార్ దర్శకత్వంలో “హెల్లో” సినిమాలో నటిస్తూ బిజీగా ఉన్న అఖిల్.. ఆ సినిమా తర్వాత రాజమౌళి దర్శకత్వంలో నటించనున్నాడని, అందుకు సంబంధించిన స్క్రిప్ట్ వర్క్ అండ్ ప్రీ ప్రొడక్షన్ వర్క్ దాదాపుగా పూర్తి కావచ్చోందని సమాచారం. ఇప్పటికే సినిమాకి చాలా గ్యాప్ రావడంతోపాటు.. తాను తెరకెక్కించాలనుకొంటున్న “మహాభారతం” స్క్రిప్ట్ వర్క్ పూర్తయ్యేసరికి ఎలాగూ ఆరేడు నెలలు పట్టే అవకాశం ఉంది, అందుకే ఈలోపు అఖిల్ తో సినిమా పూర్తి చేసేందుకు రాజమౌళి ప్లాన్ చేస్తున్నాడని వినికిడి.