రాజమౌళి తర్వాతి సినిమా మూవీ హీరో ఇతనే అంటూ జోరుగా ప్రచారం

బాహుబలి తర్వాత రాజమౌళి చేసే ప్రాజక్ట్ పై భారీ క్రేజ్ నెలకొని ఉంది. నెక్స్ట్ సినిమాలో గ్రాఫిక్స్, విజువల్ ఎఫక్ట్స్ ఆశించవద్దని చెప్పినప్పటికీ.. ఆ కథ ఏమిటి ? హీరో ఎవరు ? అనే విషయాలు తెలుసుకోవాలనే ఆరాటం పెరిగింది. జక్కన్న నెక్స్ట్ హీరో మహేష్ బాబు,  సుబ్బరాజు, ఎన్టీఆర్ అని కొంతమంది పేర్లు వినిపించాయి. తాజాగా రామ్ చరణ్ పేరు బయటికి వచ్చింది. వీరిద్దరి కలయికలో వచ్చిన మగధీర ఇండస్ట్రీ హిట్ సాధించింది. ఆ చిత్ర నిర్మాత అల్లు అరవింద్ తో చిన్న విభేదం కారణంగా మళ్ళీ ఆ కాంబినేషన్ సెట్ కాదనే ప్రచారం అప్పట్లో సాగింది. అప్పటికి ఇప్పటికీ పరిస్థితులు మారాయి. చరణ్ సొంతంగా సినిమాలు నిర్మించే స్థాయికి ఎదిగారు.

250 కోట్లతో తన తండ్రి చిరు హీరోగా సైరా నరసింహ రెడ్డి చిత్రాన్ని నిర్మించనున్నారు. ఈ సినిమా మోషన్ పోస్టర్ ని రాజమౌళి రిలీజ్ చేయడంతో మగధీర కాంబోలో మళ్లీ మూవీ వస్తుందనే వార్తకు బలం చేకూరింది. ఈ చిత్రాన్ని డీవీవీ దానయ్య నిర్మిస్తారని తెలిసింది. ప్రస్తుతం రామ్‌చరణ్‌, సుకుమార్‌ దర్శకత్వంలో “రంగస్థలం 1985 ” చిత్రంలో నటిస్తున్నారు. దీని తర్వాత  కొరటాల శివ దర్శకత్వంలో ఓ సినిమా చేయనున్నారు. ఈ రెండూ సినిమాల  తర్వాత రాజమౌళి ప్రాజెక్ట్ పట్టాలెక్కే అవకాశముంది.

Also, do SUBSCRIBE to our YouTube channel to get latest Tollywood updates.