రజనీకాంత్ సినిమాలో కట్ చేసిన సీన్స్ ఇవే

ఈ డెకేడ్ లోనే మోస్ట్ ఏవైటెడ్ మూవీగా సరికొత్త సంచలనాలు సృష్టిస్తున్న చిత్రం “రోబో 2.0”. శంకర్ దర్శకత్వంలో రజనీకాంత్ హీరోగా రూపొందిన ఈ చిత్రం విడుదలకు చాలా లేట్ అయ్యింది. ఎట్టకేలకు ఈ గురువారం (నవంబర్ 29) విడుదలకానుంది. ఇవాలే తెలుగు సెన్సార్ కూడా పూర్తి చేసుకొన్న ఈ చిత్రానికి శంకర్ ఊహించని విధంగా ఏకంగా ఆరు కట్స్ చెప్పారట. శంకర్ సినిమా తీసేప్పుడు అన్నీ వర్గాల ప్రేక్షకుల్ని.. ముఖ్యంగా చిన్న పిల్లల్ని దృష్టిలో పెట్టుకొని తెరకెక్కిస్తాడు. అలాంటిది ఏకంగా 5 కట్స్ వచ్చేసరికి షాక్ అవ్వడం శంకర్ వంతయ్యింది.

శంకర్ తెరకెక్కించిన చిత్రాల్లో “రోబో 2.0” కాస్ట్లీయస్ట్ మాత్రమే కాదు.. భారీ స్పాన్ ఉన్న సినిమా కూడా. రజనీ సరసన అమీ జాక్సన్ కథానాయికగా నటిస్తున్న ఈ చిత్రంలో బాలీవుడ్ టాక్ హీరో అక్షయ్ కుమార్ ప్రతినాయకుడిగా నటించడం విశేషం. ఈ సినిమా తెలుగు రాష్ట్రాల రైట్స్ దాదాపు 72 కోట్లకు అమ్ముడుపోయినట్లు సమాచారం. మరి శంకర్ మ్యాజిక్ వర్కవుట్ అయ్యి ఆ మొత్తం లాభాల రూపంలో వెనక్కి వస్తుందో లేదో చూడాలి. ఏదేమైనా చాలా రోజులుగా రజనీ మార్క్ మిస్ అయిన ఆయన అభిమానులందరూ “2.0” కోసం చాలా ఆసక్తిగా ఎదురుచూస్తున్నారు.