సూపర్ స్టార్ మహేష్ బాబు సినిమా షూటింగ్లో గాయపడ్డ ఫిట్ బ్యూటీ

సూపర్ స్టార్ మహేష్ బాబు, మురుగదాస్ కాంబినేషన్లో వస్తున్న మూవీ వేగంగా షూటింగ్ జరుపుకుంటోంది. గత పది రోజులుగా హైదరాబాద్ లోని బిజీ రోడ్లపై అత్యాధునిక కెమారాలతో ఛేజింగ్ సీన్ ని షూట్ చేస్తున్నారు. ఈ చిత్రీకరణలో హీరో మహేష్ బాబు, విలన్ ఎస్.జె. సూర్య తో పాటు హీరోయిన్ రకుల్ ప్రీత్ సింగ్ కూడా పాల్గొంటున్నారు. పీటర్ హెయిన్స్ నేతృత్వంలో తెరకెక్కుతున్న ఈ యాక్షన్ సీక్వెన్స్ లో గురువారం ప్రమాదం జరిగింది.

ఈ ప్రమాదంలో హీరో, విలన్ కు ఎటువంటి గాయాలు కాలేదని, హీరోయిన్ రకుల్ ప్రీత్ సింగ్ ఎత్తు నుంచి కిందకు పడడంతో మోచేతికి, వేళ్లకు దెబ్బలు తగిలాయని చిత్ర యూనిట్ సభ్యులు వెల్లడించారు. ఈ విషయం తెలిసిన రకుల్ ఆత్మీయులు, అభిమానులు ఆందోళన చెందారు. వారి కంగారును తగ్గించేందుకు ఈ భామ “నా వేళ్లు విరగలేదు, బెణికాయి. చికిత్స జరుగుతోంది, తొందర్లోనే వేళ్లు సాధారణ స్థితికి వస్తాయి. మీ అభిమానానికి కృతజ్ఞతలు” అని ట్విట్టర్లో పోస్ట్ పెట్టింది. దీంతో హమ్మయ్య అనుకున్న ఫ్యాన్స్, తొందర్లోనే రకుల్ కోలుకోవాలని విష్ చేశారు.