Ram Charan, Vijay: చరణ్‌ టు విజయ్‌ టు చరణ్‌.. టాలీవుడ్‌లో షటిల్‌ సర్వీసా?

ఏంటీ.. ఇండస్ట్రీలో ఇద్దరు హీరోల మధ్య జరుగుతున్న, జరుగుతుంది అనుకుంటున్న గొడవ గురించి చెబుతాం అనుకుంటున్నారా? అలాంటి పరిస్థితి ఇప్పుడు యువ హీరోల మధ్య లేదు లెండి. మేం చెబుతున్నది వాళ్లు ఓకే చేస్తున్న సినిమాల గురించి, వదిలేస్తున్న ప్రాజెక్టుల గురించే. అవును అనుకొని జరుగుతున్నాయో, లేక అనుకోకుండా జరుగుతున్నాయో కానీ.. టాలీవుడ్‌ యువ హీరోల సినిమాలు ఏ కాలంలో ఒకరి దగ్గర నుండి మరొకరికి మారుతున్నాయి. ఇటీవల ఎక్కువగా కనిపిస్తున్న ఈ స్టైల్‌లోకి తాజాగా మెగా పవర్‌ స్టార్‌ రామ్‌ చరణ్‌, రౌడీ బాయ్‌ విజయ్‌ దేవరకొండ వచ్చారు.

‘ఆర్‌ఆర్‌ఆర్‌’ తర్వాత రామ్‌చరణ్‌ సినిమా ఏంటి అనుకునేటప్పుడు శంకర్‌ సినిమా స్టార్ట్‌ చేశారు. అయితే ఆ తర్వాత ఏ సినిమా చేస్తారు అనే ప్రశ్న అయితే చాలా రోజుల నుండి వినిపిస్తోంది. మరోవైపు ‘లైగర్‌’ తర్వాత విజయ్‌ దేవరకొండ సినిమాల విషయంలోనూ ఇదే జరుగుతోంది. ఏవేవో సినిమాలు అన్నారు. వివిధ కారణాల వల్ల ఆ సినిమాలు ముందుకు వెళ్లలేదు. అయితే అలా ఆగిపోయిన సినిమాలు షటిల్‌ సర్వీసు లాగా విజయ్‌ టు రామ్‌చరణ్‌, రామ్‌ చరణ్‌ టు విజయ్‌ అవుతున్నాయి అంటున్నారు.

యూవీ క్రియేషన్స్‌ బ్యానర్‌ మీద రామ్‌చరణ్‌ ఓ సినిమా చేయాల్సి ఉంది. చాలా నెలల నుండి దీని గురించి చర్చ జరుగుతుంది. ఈ క్రమంలో ‘జెర్సీ’ దర్శకుడు గౌతమ్‌ తిన్ననూరి దర్శకత్వంలో ఓ సినిమా అనౌన్స్‌ అయ్యింది కూడా. అయితే ఏమైందో ఏమో ఆ సినిమా అర్ధాంతరంగా ఆగిపోయింది. ఆ కథ అక్కడి నుండి విజయ్‌ దేవరకొండ దగ్గరకు వెళ్లింది అన్నారు. అయితే ఇక్కడి నుండి కూడా అనౌన్స్‌మెంట్‌ రాలేదు. త్వరలోనే దీనిపై పూర్తి సమాచారం రావొచ్చు అంటున్నారు.

‘ఖుషి’ తాత్కాలికంగా ఆగిపోవడంతో విజయ్‌ – గౌతమ్‌ సినిమా షురూ చేస్తారు అంటున్నారు. అయితే విజయ్‌ దేవరకొండకు కొన్నాళ్ల క్రితం కన్నడ దర్శకుడు నర్తన్‌ ఓ కథ వినించారు. అతనే రామ్‌చరణ్‌కు కూడా ఓ కథ వినిపించారు. దీంతో ఇద్దరిలో ఎవరు నెక్స్ట్‌ అనేది తెలియడం లేదు. అయితే ఇద్దరికీ ఒకే కథ చెప్పారని.. విజయ్‌ నో అనడంతోనే చరణ్‌ దగ్గరకు నర్తన్‌ వచ్చారని టాక్‌. అలా చరణ్‌ టు విజయ్‌ టు చరణ్‌ షటిల్‌ సర్వీసులు టాలీవుడ్‌లో తిరుగుతున్నాయి అంటున్నారు.

బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!

ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?