ఎన్ని సూపర్ హిట్లు ఇచ్చిన హీరోకి అయినా ఏదో ఒక డ్రీం ప్రాజెక్టు ఉంటుంది. కచ్చితంగా తాను ఆశపడిన జోనర్లో సినిమా చెయ్యాలని ఆశపడుతుంటాడు. అప్పట్లో మెగాస్టార్ చిరంజీవి పెద్ద స్టార్ హీరో అయినప్పటికీ.. దానిని పక్కనపెట్టి ‘స్వయంకృషి’ ‘విజేత’ ‘చంటబ్బాయి’ ‘రుద్రవీణ’ వంటి చిత్రాలు చేశారు. అయినప్పటికీ పౌరాణిక చిత్రాల్లో చెయ్యాలనేది ఆయన డ్రీం. అర్జునుడు వంటి పాత్ర ఏదైనా చెయ్యాలని.. కూడా ఆయనకు కోరిక. కానీ ఇంకా ఆయనకు ఆ కోరిక నెరవేరలేదు. ఇది పక్కన పెడితే.. ఆయన తనయుడు మెగా పవర్ స్టార్ రాంచరణ్ కు కూడా ఓ డ్రీం ప్రాజెక్టు ఉందట.
ఎప్పటికైనా సరే ఆ ప్రాజెక్టు చెయ్యాలని ఆశపడుతున్నట్టు ఇటీవల ఓ సందర్భంలో చెప్పుకొచ్చాడు. ఆయన మాట్లాడుతూ.. “నాకు ఎప్పటినుండో స్పోర్ట్స్ డ్రామా ఒకటి చెయ్యాలని ఆశ. నిజానికి గతంలో ఆర్.బి.చౌదరి గారి బ్యానర్లో ఇలాంటి బ్యాక్ డ్రాప్ తో ‘మెరుపు’ అనే సినిమాని మొదలు పెట్టాం. కానీ, కొన్ని కారణాల వల్ల దానిని మధ్యలోనే ఆపేశాం.
అయితే అప్పటి నుండీ స్పోర్ట్స్ డ్రామా ఒకటి చెయ్యాలనే కోరిక మాత్రం ఎక్కువయ్యింది.మంచి కథ కోసం చూస్తున్నాను. కానీ నన్ను టెంప్ట్ చేసే స్క్రిప్ట్ మాత్రం ఇంకా దొరకలేదు. ఒకవేళ దొరికితే కచ్చితంగా చేస్తాను’ అంటూ చెప్పుకొచ్చాడు చరణ్. ఇక ఆయన ప్రస్తుతం రాజమౌళి డైరెక్షన్లో ‘ఆర్.ఆర్.ఆర్’ చిత్రం చేస్తున్న సంగతి తెలిసిందే.
Most Recommended Video
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
IMDB రేటింగ్స్ ప్రకారం టాప్ 25 టాలీవుడ్ మూవీస్ ఇవే…!
