రామ్ చరణ్ కోపానికి కారణం ఏంటి?

మెగా పవర్ స్టార్ రామ్ చరణ్ తేజ్ షూటింగ్ లో ఎప్పుడూ ఉత్సాహంగా ఉంటారు. చిత్ర బృందంతో ఫ్రెండ్లీగా కలిసిపోతారు. అయితే ఆయన తాజాగా చిత్ర యూనిట్ పై ఫైర్ అయినట్లు తెలిసింది. కారణం ఏమిటని అరా తీయగా అసలు విషయం బయటపడింది. ప్రస్తుతం సుకుమార్ దర్శకత్వంలో చెర్రీ రంగస్థలం 1985 సినిమా చేస్తున్నారు. ఈ చిత్ర షూటింగ్ హైదరాబాద్ లోని ఓ స్టూడియోలో వేసిన విలేజ్ సెట్ లో జరుగుతోంది. ఈ షూటింగ్ సభ్యులతో చరణ్ కి ఎటువంటి ఇబ్బందులు లేవట. తాను నిర్మాతగా వ్యవహరిస్తున్న సినిమా యూనిట్ తోనే ఇబ్బందని తెలిసింది. ఖైదీ నంబర్ 150 తర్వాత తండ్రి మెగాస్టార్ చిరంజీవితో  “సైరా నరసింహారెడ్డి” చిత్రాన్ని ప్రారంభించారు. ఈ సినిమాకు సంబంధించిన ప్రీ ప్రొడక్షన్ పనులు వేగంగా సాగుతోంది.

తొలి స్వాతంత్ర్య సమరయోధుడు జీవితం ఆధారంగా రూపొందుతున్న ఈ మూవీ విషయంలో ఎలాంటి లీకులు లేకుండా జాగ్రత్త వహించాలని చరణ్ చిత్ర బృందానికి ముందే గట్టిగా చెప్పినప్పటికీ, ఇటీవల జగపతిబాబు పాత్రకు సంబంధించి ఓ లీక్ వచ్చింది. ఆంగ్లేయులకు సహకరించే వ్యక్తిగా సినిమాలో జగపతి  కనిపిస్తారనే సమాచారం సోషల్ మీడియాలో చక్కర్లు కొట్టింది. దీంతో ఈ న్యూస్ ఎలా లీక్ అయిందని చిత్ర యూనిట్ పై రామ్ చరణ్ సీరియస్ అయినట్లు తెలిసింది. మరోమారు ఇలా జరగకూడదని వార్నింగ్ కూడా ఇచ్చినట్లు ఫిలిం నగర్ వాసులు చెబుతున్నారు.

Also, do SUBSCRIBE to our YouTube channel to get latest Tollywood updates.