ఎన్టీఆర్ ని ఫాలో అయిన రామ్ చరణ్ తేజ్

భారీ యాక్షన్ తో మాస్ ప్రేక్షకుల్లో విపరీతమైన ఫాలోయింగ్ సంపాదించుకున్న యంగ్ టైగర్ ఎన్టీఆర్.. నాన్నకు ప్రేమతో సినిమాతో క్లాస్ ప్రేక్షకులకు దగ్గరయ్యారు. సుకుమార్ దర్శకత్వంలో వచ్చిన ఈ సినిమాలో ఎన్టీఆర్ హెయిర్ స్టైల్, బియర్డ్ కొత్తగా ఉంటుంది. ఈ ఫ్యాషన్ ని యువత ఫాలో అయ్యారు. అదే స్టైల్ ని ఇప్పుడు మెగా పవర్ స్టార్ రామ్ చరణ్ తేజ్ ఫాలో అవుతున్నారు. అందుకు ఈ ఫొటోలే నిదర్శనం. ప్రస్తుతం రామ్ చరణ్ సుకుమార్ దర్శకత్వంలో రంగస్థలం 1985 మూవీ చేస్తున్నారు. ఇది పాతికేళ్ల నటి కథ. ఇందులో చెర్రీ విలేజీ కుర్రోడిగా నటిస్తున్నారు.

గుబురుగడ్డంతో కొత్తగా కనిపించనున్నారు. షూటింగ్ స్పాట్ లో చరణ్ ఫోటోలు బయటికి వచ్చాయి. వాటిని గమనిస్తే నాన్నకు ప్రేమతోలో ఎన్టీఆర్ స్టైల్ మాదిరిగా కనిపిస్తోంది. సుకుమార్ కి ఆ సినిమా హిట్ కావడంతో.. అందులోని లుక్ ని రామ్ చరణ్ కి ట్రై చేసినట్లు సినీ ప్రేక్షకులు చెబుతున్నారు. సమంత హీరోయిన్ గా నటిస్తున్న ఈ సినిమా సంక్రాంతికి థియేటర్లోకి రానుంది. దేవీ శ్రీ ప్రసాద్ సంగీతమందిస్తున్న ఈ సినిమాపై అంచనాలు భారీగా ఉన్నాయి.

Also, do SUBSCRIBE to our YouTube channel to get latest Tollywood updates.