సోషల్ మీడియా పుణ్యమా అని ఏదైనా ఓ సంఘటన జరిగితే (అది మంచైనా.. చెడైనా) దేనితో ఓదానితో ముడిపెట్టడం.. లేదా గతంలో జరిగిన వాటితో కంపేర్ చేయడం అనేది కామన్.. ఇప్పుడు మెగా పవర్ స్టార్ రామ్ చరణ్ పక్కన నటిస్తే చాలు.. ఆ కథానాయికలకు పెళ్లిళ్లు అయిపోతాయ్ అంటూ ఆసక్తికర వార్తలు నెట్టింట చక్కర్లు కొడుతున్నాయి.. అవేంటో చూద్దాం..
కియారా అద్వానీ..
రీసెంట్గా బాలీవుడ్ బ్యూటీ కియారా అద్వానీ – సిద్దార్థ్ మల్హోత్రాల పెళ్లి జరిగింది. చరణ్తో ఇంతకుముందు ‘వినయ విధేయ రామ’ చేసిన సంగతి తెలిసిందే. ప్రస్తుతం శంకర్ దర్శకత్వంలో మరోసారి చెర్రీతో కలిసి RC 15లో యాక్ట్ చేస్తోంది. సరిగ్గా ఈ సినిమా షూటింగ్ మధ్యలోనే ఈమె వెడ్డింగ్ జరిగింది.. దీంతో చరణ్ హీరోయిన్స్ మ్యారేజెస్ గురించి ఇంట్రెస్టింగ్ న్యూస్ వినిపిస్తోంది.
ఆలియా భట్..
ఆలియా భట్.. ‘ఆర్ఆర్ఆర్’ మూవీతో టాలీవుడ్ ఎంట్రీ ఇచ్చింది.. రామ్ చరణ్కి జోడీగా ఆమె చేసిన సీత క్యారెక్టర్ నిడివి తక్కువే అయినా ఆకట్టుకుంది. ఈ సినిమా రిలీజ్ అయిన కొద్ది రోజులకే (2022 ఏప్రిల్ 14) రణ్ బీర్ కపూర్ని పెళ్లాడింది. 2022 నవంబర్ 6న ఓ పాపకు జన్మనిచ్చింది.
సమంత..
సుకుమార్ – రామ్ చరణ్ల ‘రంగస్థలం’ గురించి డిస్కషన్ జరుగుతున్నాయి.. కథానాయికగా సమంతను ఫిక్స్ చేశారు. సరిగ్గా అదే టైంలో సమంత – నాగ చైతన్యల నిశ్చితార్థం జరిగింది.. 2017 జనవరి 27న ఎంగేజ్మెంట్ చేసుకోగా.. సినిమాను 26 ఫిబ్రవరి 2017న పూజా కార్యక్రమాలతో ప్రారంభించారు. 2017 అక్టోబర్ 6, 7 తేదీల్లో హిందూ, క్రిస్టియన్ సాంప్రదాయల ప్రకారం వీరి పెళ్లి జరిగింది.. సమంత – కియారా – ఆలియా భట్.. ఈ కథానాయికలు ముగ్గురు కూడా ప్రేమ వివాహాలు చేసుకోవడం అనేది మరో విశేషం..
కాజల్ అగర్వల్..
ఇక చరణ్.. తను నటిస్తూ, నిర్మించిన ‘ఆచార్య’ షూటింగ్ సమయంలో కాజల్ అగర్వాల్ కూడా ఏడడుగులు వేసింది. మెగాస్టార్ చిరంజీవి సెట్లో కొత్త జంటని సత్కరించి, శుభాకాంక్షలు తెలియజేసిన సంగతి తెలిసిందే.. ఈ సెంటిమెంట్ని బట్టి.. త్వరలో పెళ్లి చేసుకోవాలనుకుంటున్న హీరోయిన్లు.. చరణ్ పక్కన ఓ సినిమా చేయండి చాలు.. ఇక మీకు మ్యారేజ్ అయిపోతుంది అంటూ ఫన్నీ కామెంట్స్ చేస్తున్నారు ఫ్యాన్స్, నెటిజన్లు..
