చెర్రీ ఆలస్యానికి బన్నీ కారణమా..?

సురేందర్ రెడ్డి దర్శకత్వంలో తెరకెక్కుతున్న ‘ధృవ’ చిత్రం లో రామ్ చరణ్ ప్రస్తుతం నటిస్తుండగా.. ఇటీవలే ఈ చిత్ర రెగ్యులర్ షూటింగ్ ప్రారంభం అయ్యింది. అయితే ఈ షూటింగ్ లో మాత్రం రామ్ చరణ్ పాల్గొన లేదు. ఇందుకు కారణం అల్లు అర్జునే అని ఫిల్మ్ నగర్లో గుసగుసలు వినిపిస్తున్నాయి. సరైనోడు చిత్ర విడుదల తరువాత మెగా, అల్లు కుటుంబాల మధ్య విభేదాలు వచ్చాయని అందుకే చరణ్ కావాలనే ‘ధృవ’ షూటింగ్ ను ఆలస్యం చేస్తున్నాడని అంటున్నారు. అంతేకాకుండా ‘ఒకమనసు’ ఆడియో ఫంక్షన్ లో చెర్రీ మాట్లాడే సమయంలో బన్నీ అభిమానులు చెర్రీకి అసహనం తప్పించారని ఇది కూడా ఓ కారణమని చూపెడుతున్నారు.

మరోవైపు మాత్రం మెగాస్టార్ చిరంజీవి నటిస్తున్న ‘కత్తిలాంటోడు’ చిత్ర ప్రీ ప్రొడక్షన్ వర్క్స్ లో చెర్రీ బిజీగా ఉండటం వలనే.. ‘ధృవ’ షూటింగ్ కు హాజరుకావడం లేదని అంటున్నారు. ఈ చిత్రంలో చెర్రీ సరసన రకుల్ ప్రీత్ సింగ్ జంటగా నటిస్తోంది. గీతా ఆర్ట్స్ పతాకంపై నిర్మిస్తున్న ఈ చిత్రాన్ని దసరా కానుకగా ప్రేక్షకుల ముందుకు తీసుకువచ్చేందుకు సన్నాహాలు చేస్తున్నారు.