Ram Charan, NTR: ఎన్టీఆర్ సినిమాకి రామ్ చరణ్ టైటిల్

ఎన్టీఆర్-ప్రశాత్ నీల్ కాంబినేషన్ సినిమా మీద రోజురోజుకీ అంచనాలు పెరిగిపోతున్నాయి. ఇప్పటివరకు ఎన్టీఆర్ ఎన్నడూ చేయని విధమైన పోరాట సన్నివేశాలు ఉండబోతున్నాయని, ఎన్టీఆర్ లుక్ కూడా చాలా కొత్తగా ఉంటుందని రకరకాల వార్తలు వినిపిస్తున్నాయి. అయితే.. మొదటినుండి ఈ సినిమాకి “డ్రాగన్” అనే టైటిల్ ప్రచారంలో ఉంది. కానీ, నిర్మాతలు మాత్రం కన్ఫర్మ్ చేయడం లేదు.

Ram Charan, NTR

అందుకు కారణం గత ఏడాది ప్రదీప్ రంగనాధ్ హీరోగా “డ్రాగన్” అనే సినిమా వచ్చి సూపర్ హిట్ అవ్వడమే. ఇప్పుడు అదే టైటిల్ ని ఎన్టీఆర్ సినిమాకి పెడితే, ఆన్లైన్ ట్రెండ్స్ కి చాలా ఇబ్బంది అవుతుంది. అందుకే.. ఇప్పుడు ఈ సినిమాకి “బ్రూస్ లీ” అనే టైటిల్ ని కన్సిడర్ చేస్తున్నట్లు తెలుస్తోంది. అయితే.. 2015లో ఆల్రెడీ “బ్రూస్ లీ” టైటిల్ తో ఒక సినిమా చేశాడు చరణ్.

టైటిల్ వాడకం రూల్స్ ప్రకారం పదేళ్ల తర్వాత టైటిల్ ను మళ్లీ వేరే సినిమాకి వాడుకోవచ్చు. ఒకవేళ ఎన్టీఆర్ & టీమ్ గనుక “బ్రూస్ లీ” టైటిల్ ని కన్సిడర్ చేసి, ఫైనల్ చేస్తే మంచి హల్ చల్ అవుతుంది. ఎందుకంటే.. తెలుగు, తమిళ భాషల్లోనూ “బ్రూస్ లీ” అనే టైటిల్ తో సినిమాలొచ్చాయి. ఈ రెండు సినిమాల్లోనూ కృతి కర్బంద నటించడం విశేషం.

ఎన్టీఆర్-రామ్ చరణ్ ఆల్రెడీ “ఆర్ఆర్ఆర్”లో కలిసి నటించారు కాబట్టి, ఇప్పుడు “బ్రూస్ లీ” టైటిల్ ని ఎన్టీఆర్ పెట్టుకుంటే మాత్రం మంచి హడావుడి జరగడమే కాక, వైరాలిటీకి స్కోప్ ఉంటుంది. ఇకపోతే.. రుక్మిణి వసంత్ హీరోయిన్ గా నటిస్తున్న ఈ సినిమాలో టోవినో థామస్ విలన్ గా కనిపించనున్నాడు. టోవినో & ఎన్టీఆర్ కాంబినేషన్ లో వచ్చే బ్లడీ ఫైట్స్ స్పెషల్ అట్రాక్షన్ గా నిలవనున్నాయని తెలుస్తోంది. ఎన్టీఆర్ ఈ సినిమా కోసం ఏకంగా 15 కేజీల బరువు తగ్గడం అనేది విశేషం.

లీకులో, AI క్రియేటెడ్ ఫొటోలో అర్థం కాక.. ఇబ్బందిపడుతున్న అభిమానులు