Spirit: లీకులో, AI క్రియేటెడ్ ఫొటోలో అర్థం కాక.. ఇబ్బందిపడుతున్న అభిమానులు

ఇదివరకు ఒక సినిమా సెట్ నుండి ఏదైనా ఫోటో లీకైనా, హీరో లుక్ లీకైనా అభిమానులు చాలా సంతోషపడేవారు. “వకీల్ సాబ్” సెట్స్ నుండి లీకైన పవన్ కళ్యాణ్ లుక్ అనేది ఏకంగా టైటిల్ లోగో అయిపోయే స్థాయిలో వైరల్ అయ్యింది. అలా ఉండేవి లీకుల తాలూకు మ్యాజిక్. కానీ ఈమధ్య AI వచ్చాక, నిజంగానే లీకైన ఫొటోనా లేక క్రియేట్ చేసిందా అనే విషయం అర్థం కాక తికమకపడుతున్నారు అభిమానులు.

Spirit

ఆ ఎఫెక్ట్ ఇప్పుడు స్పిరిట్ సినిమా మీద పడింది. ప్రభాస్ హీరోగా సందీప్ రెడ్డి వంగా తెరకెక్కిస్తున్న తాజా చిత్రం “స్పిరిట్” సినిమాకి సంబంధించి ఒక ఫోటో లీకైంది. ప్రభాస్ లుక్ సదరు లీకైన ఫోటోలో భలే ఉన్నప్పటికీ.. అది నిజమైనా ఫొటోనా కాదా అనే సందిగ్ధంలో సదరు ఫోటోలను ట్రెండ్ చేయడానికి సంశయిస్తున్నారు అభిమానులు. ఇప్పుడు ప్రభాస్ అభిమానుల విషయంలో జరిగిన ఈ హడావుడి, ఫ్యూచర్ లో అన్నీ సినిమాల విషయంలో రిపీట్ అయ్యే అవకాశం ఉంది. సో, ఇకపై లీకులని అభిమానులు ఎంజాయ్ చేయలేరు అని చెప్పొచ్చు.

ఇకపోతే.. స్పిరిట్ షూటింగ్ శరవేగంగా జరుగుతున్నప్పటికీ. ప్రభాస్ డేట్స్ ఇప్పుడు ఫౌజీకి అలాట్ చేయాలా లేక స్పిరిట్ కే ఇవ్వాలా అనే మీమాంసలో ఉన్నట్లు తెలుస్తోంది. స్పిరిట్ రిలీజ్ ఆల్రెడీ అఫీషియల్ గా అనౌన్స్ చేసినప్పటికీ, “ఫౌజీ” ఎప్పుడొస్తుంది అనేది క్లారిటీ లేదు. 2026లో ప్రభాస్ సినిమా మరొకటి ఉంటుందా లేదా అనే విషయంలో కూడా టీమ్ ఇంకా కన్ఫ్యూజ్ అవుతున్నారు.

2027కి ఆల్రెడీ స్పిరిట్ లాక్ చేసుకుంది కాబట్టి, ఈ ఏడాది చివర్లోనే ఫౌజీని విడుదల చేయాలి అని ముందు అనుకున్న ప్లాన్, కానీ ఇప్పుడు ఆ ప్లాన్స్ అన్నీ మారే అవకాశాలు ఉన్నాయి. ముఖ్యంగా “వారణాసి” రిలీజ్ డేట్ కారణంగా స్పిరిట్ కచ్చితంగా ముందుకు వెళ్లడమో లేక వెనక్కి రావడమే జరుగుతుంది.

నిర్మాతగా మారిన స్టార్ హీరోయిన్