రాంచరణ్ – బోయపాటి శ్రీను కాంబినేషన్లో తెరకెక్కిన మాస్ అండ్ ఫ్యామిలీ ఎంటర్టైనర్ ‘వినయ విధేయ రామా’. సంక్రాంతి కానుకగా జనవరి 11 న విడుదల కాబోతున్న ఈ చిత్రానికి సంబందించిన ట్రైలర్ ఇటీవల విడుదలయ్యి యూట్యూబ్లో రికార్డులు క్రియేట్ చేస్తున్న సంగతి తెలిసిందే. ఈ ట్రైలర్ లో రాంచరణ్ కండల ప్రదర్శన ఓ రేంజ్ లో ఉంది. రాంచరణ్ ఈ చిత్రంలో తన బాడీ బిల్డ్ చేయడం కోసం చాలా కసరత్తులు చేసాదంట. దీనికి కోసం ప్రత్యేకంగా డైట్ కూడా పాటించాడంట.
తన ట్రైనర్ రాకేష్ ఉడియారా ఇచ్చిన డైట్ను చెర్రీ ఫాలో అయ్యాడని ఉపాసన తన ట్విట్టర్ ద్వారా వెల్లడించింది. చరణ్ రోజులో ఏమేం తీసుకునేవాడో.. ఆ డైట్ ఫాలో అవుతున్నప్పుడు ఏమి తీసుకోకూడదో.. అన్నింటితో ఉన్న డైట్ ప్లాన్ని ఉపాసన ట్విటర్లో పోస్ట్ చేసింది. చెర్రీ తన డైట్ ప్లాన్లో భాగంగా..
ఉదయం 8 గంటలకు 3 ఎగ్ వైట్స్, 2 ఫుల్ ఎగ్స్, ఆల్మండ్ మిల్క్తో ముప్పావు కప్పు ఓట్స్, 11:30కి ఒక పెద్ద కప్పు క్లియర్ వెజిటేబుల్ సూప్, మధ్యాహ్నం 200 గ్రాముల చికెన్ బ్రెస్ట్, ముప్పావు కప్పు బ్రౌన్ రైస్, అరకప్పు గ్రీన్ వెజిటెబుల్ కర్రీ, సాయంత్రం 4 గంటలకు.. 250 గ్రాముల గ్రిల్డ్ ఫిష్, 200 గ్రాముల స్వీట్ పొటాటో, అరకప్పు గ్రీన్ వెజిటేబుల్స్, సాయంత్రం 6 గంటలకు పెద్ద మిక్స్డ్ గ్రీన్ సలాడ్, పావుకప్పు అవకాడో, ఒక కప్పు నట్స్.. ఇదీ చెర్రీ డైట్ ప్లాన్. ఒకవేళ ఉదయం 8 నుంచి సాయంత్రం 6 గంటల మధ్య ఆకలైతే నట్స్కానీ, రా వెజిటెబుల్స్ కానీ తీసుకునేవాడని ఉపాసన ట్వీట్లో పేర్కొంది. వీటికి సంబందించిన ఫోటోలను కూడా షేర్ చేయడం విశేషం. ఇలా ఒక చిత్రం కోసం రాంచరణ్ తీసుకున్న శ్రద్ధకి నిజంగా హ్యాట్సాఫ్ చెప్పాలిసిందే… సోషల్ మీడియాలో కొందరు కామెంట్లు పెడుతూ అభినందిస్తున్నారు.
