RGV,Shyamala: వర్మ దెబ్బకు క్షమాపణలు చెప్పిన యాంకర్ శ్యామల?

July 14, 2022 / 11:55 AM ISTByFilmy Focus

Join Us

RGV,Shyamala: వర్మ దెబ్బకు క్షమాపణలు చెప్పిన యాంకర్ శ్యామల?

సంచలనాలకు కేంద్ర బిందువుగా ఉండే రాంగోపాల్ వర్మ ఏం చేసినా కూడా సెన్సేషనల్ అవుతుంది. ఆయన ఒక సినిమా చేసినా, లేదా ఒక వేదికపై మాట్లాడిన, సోషల్ మీడియా వేదికగా ఒక పోస్ట్ చేసిన కూడా కొద్ది రోజులపాటు వార్తల్లో నిలుస్తుంది. ఇకపోతే తాజాగా వర్మ మార్షల్ ఆర్ట్స్ బ్యాక్ డ్రాప్ లో, పూజా బాలేకర్ ప్రధాన పాత్రలో తెరకెక్కిన చిత్రం అమ్మాయి. ఈ సినిమాని రాంగోపాల్ వర్మ జూలై 15వ తేదీ ప్రేక్షకుల ముందుకు తీసుకురానున్నారు.

ఇకపోతే ఈ సినిమా పాన్ ఇండియా స్థాయిలోనే కాకుండా చైనాలో కూడా విడుదల చేయబోతున్న విషయం తెలిసిందే. ఇక ఈ సినిమా విడుదల తేదీ దగ్గర పడటంతో ఈ సినిమా ఫ్రీ రిలీజ్ వేడుకను ఎంతో ఘనంగా నిర్వహించారు. ఈ కార్యక్రమానికి శ్యామల యాంకర్ గా వ్యవహరించారు. వర్మ మాట్లాడుతూ అందరికీ థాంక్స్ చెప్పి వేదిక దిగిపోతుండగా శ్యామల వర్మ గారిని కొన్ని ప్రశ్నలు వేసింది. యాంకర్ శ్యామల వర్మ గారి దగ్గరికి వచ్చి చిన్న రిక్వెస్ట్ అంటూ అతనికి మైక్ ఇచ్చి మార్షల్ ఆర్ట్స్ కి సంబంధించి వచ్చిన కొన్ని సినిమా పేర్లను చెప్పమని కోరారు.

అడిగే సమయానికి వర్మ ఎంతో అసహనంలో ఉన్నారో అయితే ఈ విషయం గమనించని శ్యామల వర్మ గారిని మరో ప్రశ్న వేశారు. ఈ విధంగా శ్యామల మాటికి ప్రశ్నలు వేయడంతో ఆగ్రహం వ్యక్తం చేసిన వర్మ ప్రస్తుతం నేను చాలా ఎమోషనల్ గా ఉన్నాను.. ఇది చాలా సీరియస్ సినిమా అంటూ మైక్ తన చేతికి ఇచ్చి వెళ్లిపోయారు. ఈ విధంగా వర్మ యాంకర్ శ్యామలపై అసహనం వ్యక్తం చేస్తూ వేదికపై నుంచి వెళ్ళిపోగా శ్యామల తెల్ల మొహం వేసుకున్నారు.

అనంతరం ఆమె మాట్లాడుతూ ఆర్జీవి సమాధానాలు అంటే అందరికీ ఆసక్తికరంగా ఉంటాయని ఉద్దేశంతోనే తాను అడిగానని అందుకు వర్మ గారు తనని క్షమించాలి అంటూ శ్యామల తనని క్షమాపణలు కోరింది. అయితే ఈ ఘటనకు సంబంధించిన వీడియో ప్రస్తుతం వైరల్ అవుతుంది. గతంలో యాంకర్ శ్యామలను తన అందానికి ముక్తుడయ్యానని,ఇన్ని రోజులు నా కళ్ళల్లో ఎందుకు పడలేదు అంటూ తనపై ప్రశంసలు కురిపించిన విషయం మనకు తెలిసిందే. అయితే ప్రస్తుతం మాత్రం వర్మ శ్యామలపై అసహనం వ్యక్తం చేయడం గమనార్హం.