Ram Pothineni: తనలోని మరో యాంగిల్‌ బయటకు తీసిన రామ్‌.. ఇంకా ఎన్ని ఉన్నాయో?

మాస్‌ లవర్‌ బాయ్‌గా కెరీర్‌ స్టార్ట్‌ చేసి, యాక్షన్‌ హీరోగా మారి, ఆ తర్వాత క్లాస్‌ లవర్‌ బాయ్‌గా మారి, మధ్యలో ఫ్యామిలీ హీరోగా మారాడు రామ్‌. అయితే ఇదంతా అతని యాక్టింగ్‌, జోనర్‌ వరకే. కానీ రామ్‌ విషయంలో ఇంకొన్ని టాలెంట్‌లు కూడా ఉన్నాయి. వాటిని రీసెంట్‌ టైమ్స్‌లో ప్రదర్శిస్తూ వస్తున్నాడు. అలా తానొక ఆల్‌ రౌండర్‌ అని నిరూపించుకున్న రామ్‌.. ఇప్పుడు తనలోని మరో కోణాన్ని కూడా చూపించే ప్రయత్నం స్టార్ట్‌ చేశాడు. ఇటీవల తన జన్మదినం సందర్భంగా ఈ విషయాన్ని అనౌన్స్‌ చేశాడు.

Ram Pothineni

నటుడిగా, గాయకుడిగా, పాటల రచయితగా ఇప్పటికే తన ప్రతిభను చాటుకున్న రామ్‌ పోతినేని ఇప్పుడు దర్శకుడిగా మారిపోయాడు. డైరెక్టర్‌గా తొలి సినిమా రూపొందించేందుకు సిద్ధమయ్యాడు. తన 23వ సినిమాకు తానే దర్శకత్వం వహిస్తున్నట్లు రీసెంట్‌గా ప్రకటించాడు. #RAPO23 అనే వర్కింగ్‌ టైటిల్‌తో రూపొందుతున్న ఈ సినిమా సైకలాజికల్‌ యాక్షన్‌ థ్రిల్లర్‌గా ఉండనుంది. అంతేకాదు ఈ సినిమాకు రామ్‌ నిర్మాత. అంటే స్ట్రయిట్‌ నిర్మాత కాదు. అతని సోదరుడు కృష్ణ పోతినేని సినిమాను నిర్మించనున్నారు.

‘రాపో సినిమాటిక్స్‌’ బ్యానర్‌ మీద ఈ సినిమా ఉందనుంది. ఈ సినిమాలో రామ్‌ ‘వీర’ పాత్రలో కనిపించనున్నాడు. ‘ఒంటరి తోడేలు కథ ఇది’ అనేది సినిమా ట్యాగ్‌లైన్‌. జూన్‌లో సినిమా రెగ్యులర్‌ చిత్రీకరణ ప్రారంభించి, డిసెంబర్‌లో సినిమాను విడుదల చేయాలనేది నిర్మాతల ప్లాన్‌. ఇక రామ్‌ ఇతర టాలెంట్‌ల సంగతి చూస్తే.. 11 ఏళ్ల వయసులోనే ‘ఆడయాళం’ షార్ట్ ఫిలింలో నటించి యూరోపియన్ ఫిల్మ్ ఫెస్టివల్‌లో ఉత్తమ నటుడు అవార్డు అందుకున్నారు.

సాయి ధరమ్‌ తేజ్‌ ‘రేయ్‌’ సినిమాకు నరేటర్‌గా చేశాడు. ‘హలో గురూ ప్రేమ కోసమే’ సినిమాలో ‘ఐడియా చెప్పు ఫ్రెండు..’ అనే పాట పాడాడు. ‘ఆంధ్రా కింగ్‌ తాలూకా’ సినిమాలో ‘నువ్వుంటే చాలే..’ అనే పాట రాశాడు. అదే సినిమాలో ‘పప్పీ షేమ్‌..’, ‘పాడు పాడు..’ అనే పాటలు పాడాడు.

తొలిరోజు మంచి ఓపెనింగ్స్ సాధించిన ‘వీరభద్రుడు’

https://www.youtube.com/watch?v=E1ZT4StDFZM