నాగ చైతన్య సినిమాకి నిర్మాతగా రానా

అక్కినేని నాగ చైతన్య, దగ్గుబాటి రానా బెస్ట్ ఫ్రెండ్స్. మంచి స్నేహితులు మాత్రమే కాదు బంధువులు కూడా. రానా తండ్రి సురేష్ బాబు తమ సురేష్ ప్రొడక్షన్ లో చైతూ హీరోగా సినిమాని నిర్మించాలని ఎప్పటినుంచో అనుకుంటున్నారు. కొన్ని నెలల క్రితం స్క్రిప్ట్ ఒకే అయింది. నూతన దర్శకుడు కృష్ణ చెప్పిన స్టోరీకి లాక్ అయ్యారు. ప్రేమమ్, సాహసం శ్వాసగా సాగిపో చిత్రాల విజయాలతో జోష్ మీదున్న నాగచైతన్య ప్రస్తుతం కల్యాణ్‌కృష్ణ దర్శకత్వంలో ఓ సినిమాలో నటిస్తున్నారు. ఈ చిత్రం తర్వాత పెద్ద మేనమామ ప్రొడక్షన్ లో మూవీ మొదలు కానుంది.

తాజాగా ఈ ప్రాజెక్ట్ ని రానా తీసుకున్నట్లు తెలిసింది. బాలీవుడ్ నిర్మాణ సంస్థ ఈరోస్ ఇంటర్నేషనల్ తో కలిసి చైతూ ఫిల్మ్ కి ప్రొడ్యూస్ చేయనున్నారు. ఈ విషయాన్నీ రానా ముందు ఉంచగా .. ఆయన సమాధానమిచ్చారు. “నేను చైతూ మూవీని ప్రొడ్యూస్ చేస్తున్నాను. దాని పూర్తి వివరాలు వచ్చే నెలలో వెల్లడిస్తాను” అని స్పష్టం చేశారు. గతంలో రానా బొమ్మలాట అనే మూవీ కి  ప్రొడ్యూస్ చేశారు. దానికి జాతీయ అవార్డు ని అందుకున్నారు. సో మళ్ళీ ఇన్నేళ్లకి నిర్మాతగా బాధ్యతలు చేపడుతున్నారు. సో ఈ చిత్రం ఎన్ని అవార్డులు సొంతం చేసుకుంటుందో చూడాలి.

Also, do SUBSCRIBE to our YouTube channel to get latest Tollywood updates.