టైటిల్ లో అల్లు ఆరవింద్ విలన్ అన్న పదం చూసి ఆయన ఏదో మళ్లీ యాక్టింగ్ చేస్తున్నాడేమొ అని కంగారు పడకండి. మ్యాటర్ వేరే ఉంది. అల్లు ఆరవింద్ ను అందరి సమక్షంలో నా విలన్ అంటూ ప్రస్తావించాడు దగ్గుపాటి రాణా. అయితే ఎందుకలా…ఏం జరిగింది తెలియాలంటే మాత్రం ఈ కధలో వెళ్లాల్సిందే…సైమా అవార్డుల వేడుకలో బాహుబలి లో భల్లాల దేవగా నటించినందుకు రానా కు ఉత్తమ విలన్ అవార్డ్ వచ్చింది . ఈ అవార్డ్ ని అల్లు అరవింద్ చేతుల మీదుగా అందుకునేందుకు స్టేజ్ పైకి వచ్చిన రాణా మాట్లాడుతూ….నాకు రియల్ విలన్ అయిన అల్లు అరవింద్ గారి నుండి ఉత్తమ విలన్ అవార్డ్ అందుకోవడం చాలా సంతోషంగా అని అనగానే అందరూ ఒక్కసారిగా షాక్ అయ్యారు….
అక్కడే ఉన్న మెగా స్టార్ సైతం ఒక్కసారిగా షాక్ కు గురయ్యి ఏమయ్యిందో అని ఆలోచించుకునే లోపే రాణా అసలు విషయం చెప్పాడు…..చిన్నప్పుడు స్కూల్ కి వెళుతున్న రోజుల్లో చరణ్ – రానా ఇద్దరు కూడా క్లాస్ మేట్స్ కావడంతో స్కూల్ కి ఎగ్గొట్టిన , ఎగ్జాంకి అటెండ్ కాకపోయినా వెంటనే ఈ విషయం అల్లు అరవింద్ అంకుల్ కి తెలిసిపోయేది..ఆ విషయం ఆయన అందరికీ చెప్పడంతో మాకు చివాట్లు పడేవి. రానా , చరణ్ లు చేసిన అల్లరి పనుల గురించి చెప్పేవాడట దాంతో చరణ్ కు అలాగే రానా కు అల్లు అరవింద్ అంటే భయమట అందుకే మా పాలిట విలన్ ఈ అల్లు అరవింద్ అంటూ చెప్పుకొచ్చాడు రానా. ఇక తొలుత రాణా మాటలతో ఖంగారు పడ్డ వాళ్ళంతా….నవ్వుల్లో మునిగి తేలారు తరువాత.
