రానా చుట్టూ మరో ప్రేమ కథ

టాలీవుడ్ లో మోస్ట్ ఎలిజిబుల్ బ్యాచిలర్లలో ఒకరైన దగ్గుబాటి రానా చుట్టూ మరో ప్రేమ కథ మొలిచింది. ఇది వరకు రానా, చెన్నై బ్యూటీ త్రిష ప్రేమలో ఉన్నారని కొంతకాలం క్రితం వార్తలు హల్ చల్ చేసింది. మాది కేవలం స్నేహం మాత్రమే అని రానా స్పష్టం చేసి రూమర్లకు చెక్ పెట్టారు. ఇప్పుడు బాహుబలి చిత్రంతో వార్తల్లో నిలిచిన రానా ప్రస్తుతం ప్రేమలో ఉన్నట్లు పుకార్లు వినిపిస్తున్నాయి. టాలీవుడ్ ఫిట్ బ్యూటీ రకుల్ ప్రీత్ సింగ్ తో కలిసి ఎక్కువ సేపు గడుపుతున్నారని ఫిలింనగర్ వాసులు చెబుతున్నారు.

ఇద్దరు తమ ప్రాజక్ట్ లలో బిజీగా ఉన్నా.. వీకెండ్స్ లో కలిసి షికారు చేస్తున్నారని వార్తలు గుప్పుమంటున్నాయి. అంతేకాదు రకుల్ కి సినిమా ఆఫర్లు రావడం వెనుక కూడా రానా హస్తం కూడా ఉందని టాలీవుడ్ వర్గాల్లో జోరుగా ప్రసారం సాగుతోంది.  ఈ రూమర్లకు బ్రేక్ పడాలంటే రానా కానీ, రకుల్ ప్రీత్ సింగ్ కానీ త్వరలోనే వివరణ ఇవ్వాల్సి ఉంటుంది.

Also, do SUBSCRIBE to our YouTube channel to get latest Tollywood updates.