Rana Naidu Trailer: వెంకీ తల పై గన్ను పెట్టిన రానా!

వెంకటేష్ – రానా కాంబినేషన్లో ‘రానా నాయుడు’ అనే క్రేజీ వెబ్ సిరీస్ రూపొందుతున్న సంగతి తెలిసిందే. దీనికి సంబంధించిన ఫస్ట్ లుక్, టీజర్ ఎప్పుడో రిలీజ్ అయ్యాయి. వాటికి ప్రేక్షకుల నుండి మంచి స్పందన లభించింది. మార్చి 10న ఈ సిరీస్ నెట్ ఫ్లిక్స్ లో స్ట్రీమింగ్ కానుంది. ఈ సందర్భంగా ముంబైలో ‘రానా నాయుడు’ ట్రైలర్ లాంచ్ వేడుక ఘనంగా నిర్వహించారు. . సుందర్ ఆరోన్ లోకోమోటివ్ గ్లోబల్ నిర్మించిన ఈ సిరీస్‌ను కరణ్ అన్షుమాన్ & సుపర్ణ్ ఎస్ వర్మ డైరెక్ట్ చేశారు. ఇక ఈ ట్రైలర్ 2 నిమిషాల 37 సెకన్ల నిడివి కలిగి ఉంది. ఇది కంప్లీట్ యాక్షన్ ఎంటర్టైనర్ అని తెలుస్తుంది.

రానా, వెంకటేష్.. ల ఇంటెన్స్ తో కూడుకున్న నటన ఇందులో కనిపించింది. రానా ఈ సిరీస్ లో అల్టిమేట్ సెలబ్రిటీ ఫిక్సర్‌గా కనిపిస్తుండగా.. అతని తండ్రి అయిన నాగ పాత్రలో వెంకటేష్ కనిపిస్తున్నాడు. తండ్రీ కొడుకులు కొన్ని కారణాల వల్ల దూరమవుతారు. తండ్రి అంటే కొడుక్కి పడదు. ట్రైలర్ చూస్తుంటే ఇద్దరూ పెర్ఫార్మన్స్ ఇరక్కొట్టేశారు అనే ఫీలింగ్ ను కలిగిస్తుంది.

ట్రైలర్ చివర్లో వెంకీ చెప్పిన డైలాగ్ చాలా బాగుంది. చాలా రా గా ఉంది అనే చెప్పాలి. ‘నీ చిన్నపుడు ఐదేళ్ళ వరకు నేనేరా నీ ము.. కడిగింది.. నాకు తెలుసు అక్కడ ఎంత దమ్ము ఉందో’ అంటూ వెంకీ చాలా టెరిఫిక్ గా చెప్పాడు. ఆ వెంకీ ఆ డైలాగ్ చెబుతున్నప్పుడు అతని తల పై రానా తుపాకీ పెట్టడం కూడా హైలెట్ అయ్యింది.