బాలీవుడ్ జనాలకు సౌత్ సినిమా అంటే చాలా చిన్న చూపు ఉండేది. మరీ ముఖ్యంగా తెలుగు సినిమాలు అన్నా, ఇక్కడి మేకర్స్ అన్నా చాలా తక్కువ చేసి చూసేవారు. ‘బాహుబలి'(సిరీస్) సూపర్ హిట్ అయినప్పుడు.. దాన్ని సౌత్ సినిమా అన్నారు కానీ, తెలుగు సినిమా అనడానికి వారికి మనసు రాలేదు. అయితే ఇప్పుడు మన తెలుగు సినిమాలను వాళ్ళు నెత్తిన పెట్టుకుంటున్నారు. అక్కడి మేకర్స్, క్రిటిక్స్ ఇంకా తెలుగు సినిమాని తక్కువ చేసి చూస్తున్నప్పటికీ..
అక్కడి ప్రేక్షకులు మాత్రం హిందీ సినిమాలను పక్కన పెట్టి తెలుగు సినిమాలనే చూస్తున్నారు. ఈ ఏడాది హిందీ పరిశ్రమ ఒక్క హిట్టు కొట్టడానికి ఎంత కష్టపడిందో ప్రత్యేకంగా చెప్పనవసరం లేదు. హిట్ అయిన సినిమాలు కూడా బాక్సాఫీస్ వద్ద ఆశించిన స్థాయిలో పెర్ఫార్మ్ చేయలేకపోయాయి. కన్నడ సినిమాలు, తమిళ్ సినిమాలు కూడా హిందీలో సూపర్ హిట్ అయినవి ఉన్నాయి. ‘కె.జి.ఎఫ్2’ ‘కాంతార’ వంటి చిత్రాలు ‘ఆర్.ఆర్.ఆర్’ ‘పుష్ప’ లను మించి కలెక్ట్ చేసిన సంగతి తెలిసిందే.
ఇదిలా ఉండగా.. ఇటీవల రానా సౌత్ సినిమాల స్టామినా గురించి ఓ యాంకర్ తో ముచ్చటించాడు. ఈ క్రమంలో ఆ యాంకర్ హిందీ సినిమా గురించి డిఫెండ్ చేసుకునే ప్రయత్నం చేస్తుంటే.. రానా అతనికి గట్టిగా క్లాస్ పీకాడు. “5 ఏళ్ళ క్రితం సౌత్ సినిమా పై మీరు చాలా జోకులు వేసేవారు కదా. మరి ఇప్పడేమైంది. సౌత్ సినిమాల కోసం ఎగబడుతున్నారు. వెల్కమ్ టు అవర్ వరల్డ్ బ్రదర్” అంటూ స్ట్రాంగ్ కౌంటర్ ఇచ్చాడు.
అందుకు సంబంధించిన వీడియో ఒకటి ఇప్పుడు వైరల్ అవుతుంది. ఈ వీడియో చూసిన జనాలు చాలా మంది ‘రానా భలే కౌంటర్ ఇచ్చాడు’ ‘ఆ యాంకర్ ఫేస్ మాడిపోయింది’ ‘రానానా మజాకా’ అంటూ కామెంట్లు పెడుతున్నారు. ఇక సినిమాల విషయానికి వస్తే.. ‘విరాటపర్వం’ తో గ్యాప్ తీసుకున్న రానా.. వెంకటేష్ తో కలిసి ఓ వెబ్ సిరీస్ లో నటించాడు. త్వరలోనే అది ప్రేక్షకుల ముందుకు రానుంది.
.@RanaDaggubati strong counter to bollywood anchor pic.twitter.com/4T9QocGXDP
— Phani Kumar (@phanikumar2809) December 2, 2022
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
Home