Rangamarthanda OTT: రంగమార్తాండ ఓటీటీ డీటెయిల్స్ ఇవే!

March 24, 2023 / 09:33 PM ISTByFilmy Focus

Join Us

Rangamarthanda OTT: రంగమార్తాండ ఓటీటీ డీటెయిల్స్ ఇవే!

తెలుగు సినిమా ఇండస్ట్రీలో దర్శకుడుగా ఎంతో మంచి పేరు ప్రఖ్యాతలు సంపాదించుకున్నటువంటి కృష్ణవంశీ ఎన్నో అద్భుతమైన సినిమాలను ప్రేక్షకులకు పరిచయం చేశారు. అయితే గత కొంతకాలంగా ఈయన సినిమా ఇండస్ట్రీకి దూరంగా ఉన్నారు.ఇలా సినిమాలకు దూరంగా ఉన్నటువంటి కృష్ణవంశీ తాజాగా రంగమార్తాండ అనే సినిమా ద్వారా ప్రేక్షకుల ముందుకు వచ్చారు. ఈ సినిమాకు ఈయన దర్శకత్వం వహించగా రమ్యకృష్ణ ప్రకాష్ రాజ్ కీలక పాత్రలో నటించారు. ఇక ఈ సినిమాలో నటుడు బ్రహ్మానందం ఎంతో అద్భుతమైన నటనను కనబరిచారని చెప్పాలి.

ఇక ఈ సినిమా ఉగాది పండుగను పురస్కరించుకొని విడుదలైన విషయం మనకు తెలిసిందే. ఇలా థియేటర్లో ఎంతో అద్భుతమైన విజయాన్ని అందుకొని ప్రతి ఒక్కరి చేత కంటతడి పెట్టిస్తున్నటువంటి రంగమార్తాండ సినిమాపై ప్రతి ఒక్కరు ప్రశంసలు కురిపిస్తున్నారు. ఇలా ఈ సినిమా థియేటర్లో మంచి ఆదరణ అందుకోవడంతో ఈ సినిమా డిజిటల్ హక్కుల గురించి వార్తలు వైరల్ అవుతున్నాయి.

తాజా సమాచారం ప్రకారం రంగ మార్తాండ సినిమా డిజిటల్ హక్కులను ప్రముఖ ఓటీటీ సంస్థ అమెజాన్ ప్రైమ్ కొనుగోలు చేసినట్లు తెలుస్తోంది. ఇక ఈ సినిమా బడ్జెట్ లో దాదాపు 70% రికవరీ అయ్యేవిధంగా అమెజాన్ వారితో డీల్ కుదుర్చుకున్నట్టు సమాచారం. ఇక థియేటర్లో మంచి ఆదరణ పొందిన సినిమాలు థియేటర్ రన్ పూర్తి చేసుకున్నటువంటి నాలుగు లేదా ఐదు వారాలలో డిజిటల్ మీడియాలో స్ట్రీమింగ్ అవుతూ ప్రేక్షకులను సందడి చేస్తున్నాయి.

ఈ క్రమంలోనే రంగమార్తాండ సినిమా థియేటర్లో విడుదలయ్యి నాలుగు వారాలు పూర్తి చేసుకున్న అనంతరం ఓటీటీలో స్ట్రీమింగ్ అవుతుందని తెలుస్తోంది. అయితే త్వరలోనే ఈ విషయానికి సంబంధించి అధికారిక ప్రకటన వెలబడునుంది.