ఆపరేషన్ గోల్డ్ ఫిష్ లో రావు రమేష్ క్యారెక్టర్ అలా ఉండబోతోందట

ప్రకాష్ రాజ్ తర్వాత తెలుగులో ఆస్థాయి పేరు సంపాదించుకొన్న నటుడు రావురమేష్. అప్పటివరకూ ప్రకాష్ రాజ్ మాత్రమే చేయగలడు అనుకొనే పాత్రలకు సెకండ్ ఆప్షన్ గా మారిన రావు రమేష్.. కొన్ని సినిమాల తర్వాత ప్రకాష్ రాజ్ ను రీప్లేస్ చేశాడనే చెప్పాలి. ప్రస్తుతం తెలుగులో మోస్ట్ వాంటెడ్ ఆర్టిస్టుల్లో రావు రమేష్ ఒకడు. ఎలాంటి పాత్రలోనైనా పరకాయ ప్రవేశం చేయగల సిద్దహస్తుడు రావు రమేష్. ఇప్పుడు ఈ పరిపూర్ణ నటుడు మరో పాత్రలో జీవించేందుకు సన్నద్ధమవుతున్నాడు.

ఆది సాయికుమార్ కథానాయకుడిగా శశికిరణ్ అడివి “ఆపరేషన్ గోల్డ్ ఫిష్” అనే చిత్రాన్ని తెరకెక్కిస్తున్నాడు. ఈ చిత్రంలో రావు రమేష్ పాత్ర ప్రస్తుత ప్రభుత్వంలో కీలకపాత్ర పోషిస్తున్న అమిత్ షాను పోలి ఉండబోతోందట. రావు రమేష్ కూడా మ్యానరిజం మరియు బాడీ లాంగ్వేజ్ విషయంలో ఆయన్ని అనుకరించే అవకాశాలు ఉన్నాయి.