Hero Ram Injured: గాయాలు పాలైన రామ్..కారణం అదేనట..!

October 4, 2021 / 12:59 PM ISTByFilmy Focus

Join Us

Hero Ram Injured: గాయాలు పాలైన రామ్..కారణం అదేనట..!

వరుస విజయాలతో మంచి ఫామ్లో ఉన్న రామ్.. ప్రస్తుతం తమిళ దర్శకుడు లింగుస్వామితో ఓ సినిమా చేస్తున్నాడు. తెలుగు, తమిళ భాషల్లో ఏకకాలంలో తెరకెక్కుతున్న ఈ చిత్రంలో ‘ఉప్పెన’ బ్యూటీ కృతి శెట్టి హీరోయిన్ గా నటిస్తుంది. దేవి శ్రీ ప్రసాద్ సంగీత దర్శకుడు కాగా ఆది పినిశెట్టి ఈ మూవీలో విలన్ గా నటిస్తున్నాడు. ‘సీటిమార్’ నిర్మాత శ్రీనివాస చిట్టూరి తన ‘శ్రీనివాస సిల్వర్ స్క్రీన్’ బ్యానర్ పై భారీ బడ్జెట్ తో ఈ చిత్రాన్ని నిర్మిస్తున్నాడు.

ఇదిలా ఉండగా.. ప్రస్తుతం ఈ చిత్రం షూటింగ్ కు బ్రేక్ పడింది. దానికి ప్రధాన కారణం రామ్ గాయాల పాలవ్వడమే అని తెలుస్తోంది. రామ్ ఈ చిత్రంలోని తన పాత్ర కు అనుగుణంగా బాడీ ట్రాన్స్ఫర్మేషన్ కోసం వర్కౌట్లు చేస్తుండగా… నెక్ ఇంజ్యురీ కి గురైనట్టు రామ్ సన్నిహితులు అధికారికంగా తెలియజేసారు. రామ్ త్వరలోనే కోలుకుని డబుల్ ఎనర్జీ తో షూటింగ్ లో జాయిన్ అవుతాడని కూడా వారు తెలియజేసారు.ఈ విషయం తెలుసుకున్న రామ్ అభిమానులు అతను త్వరగా కోలుకోవాలని కామెంట్లు పెడుతున్నారు.

ఇక రామ్- లింగుస్వామి షూటింగ్ 30 శాతం పూర్తయ్యిందని తెలుస్తుంది.నవంబర్ నుండీ ఈ చిత్రం షూటింగ్ యధావిధిగా ప్రారంభం కానుందని సమాచారం. అంతేకాకుండా ఈ మూవీ కోసం ‘ఉస్తాద్’ అనే టైటిల్ ను అనుకుంటున్నట్టు గతంలో ప్రచారం జరిగింది. కానీ దర్శకనిర్మాతలు దానిని ఇంకా కన్ఫర్మ్ చేయలేదు.