సూపర్ హిట్ కాంబినేషన్ మరోసారి రిపీట్ కానుందా?

రాశీ ఖన్నా మరోసారి మెగా హీరో చిత్రంలో నటించబోతుందట. ఇప్పటికే సాయి ధరమ్ తేజ్ తో ‘సుప్రీమ్’, వరుణ్ తేజ్ తో ‘తొలి ప్రేమ’ వంటి సూపర్ హిట్ చిత్రాలలో నటించింది రాశీఖన్నా. అయితే వీరిద్దరిలో ఎవరితో మరోసారి కలిసి నటిస్తుంది అనేగా మీ డౌట్? వివరాల్లోకి వెళితే.. మారుతి డైరెక్షన్లో సాయి తేజ్ హీరోగా ఓ చిత్రం తెరకెక్కబోతున్న సంగతి తెలుస్తుంది. ప్రస్తుతం ఈ చిత్రానికి సంబందించిన ప్రీ ప్రొడక్షన్ పనులు చక చకా జరుగుతున్నాయట. కథ ప్రకారం ఈ చిత్రంలో ఇద్దరు హీరోయిన్లు ఉంటారట. ఓ హీరోయిన్ గా ఇప్పటికే రుక్షార్ థిల్లోన్ ను తీసుకున్నారు.

• గేమ్ ఓవర్ సినిమా రివ్యూ కోసం ఇక్కడ క్లిక్ చెయ్యండి
• వజ్ర కవచధర గోవింద సినిమా రివ్యూ కోసం ఇక్కడ క్లిక్ చెయ్యండి

మరో హీరోయిన్ కోసం ఇప్పటికే చాలా మంది హీరోయిన్లను పరిశీలించి.. రాశిఖన్నా వైపు మొగ్గు చూపుతున్నారట. రాశీ ఖన్నా అయితే సినిమా కి మంచి క్రేజ్ ఏర్పడే అవకాశం ఉందని తెలుస్తుంది. పారితోషికం కూడా తక్కువే కాబట్టి దాదాపు రాశీ ఖరారైనట్టే. వీరి కాంబినేషన్లో వచ్చిన ‘సుప్రీమ్’ సూపర్ హిట్ అయ్యింది కాబట్టి ఈ కాంబినేషన్ పై ప్రేక్షకుల్లో కూడా ఆసక్తి పెరిగే అవకాశం కచ్చితంగా ఉంది.