రష్మిక మందనను ముద్దుగా ఫ్యాన్స్‌ క్రష్మిక అని పిలుచుకుంటూ ఉంటారు. మరికొందరు అయితే నేషనల్‌ క్రష్‌ అంటుంటారు. అంతలా తన అందం, అభినయం, క్యూట్‌నెస్‌తో అలరించింది ఈ భామ. తెలుగు, హిందీ, తమిళం, కన్నడ (ఇప్పుడు లేవు లెండి) అంటూ వరుస చిత్రాలతో దూసుకుపోతున్న రష్మికమరో అరుదైన ఘనతను సొంతం చేసుకుంది. ఫోర్బ్స్‌ మ్యాగజైన్‌ తాజాగా ప్రకటించిన ‘ఫోర్బ్స్‌ ఇండియా 30 అండర్‌ 30’ జాబితాలో స్థానం సంపాదించుకుంది. దీంతో ఆమె అభిమానుల ఆనందానికి అవధులు లేకుండా పోయాయి.
వివిధ రంగాల్లో విశేష ప్రతిభ కనబరిచిన వ్యక్తుల వివరాలను ఏటా ఫోర్బ్స్‌ ఓ జాబితాగా విడుదల చేస్తుంటుంది. అలా 30 ఏళ్ల వయసులోపు ఉన్న 30 మంది ప్రతిభావంతుల జాబితాను కూడా రిలీజ్ చేస్తుంటుంది. అలా ఏడాది రిలీజ్ చేసిన జాబితాలో రష్మిక చోటు సంపాదించింది. యువ వ్యాపార వేత్తలు, ఆవిష్కరణ కర్తలు, క్రీడాకారులు, సంగీతం, సమాజసేవ, ఇంధనం, ఆర్థిక, మీడియా, న్యాయ, వినోదం, సైన్స్‌ – టెక్నాలజీ, ఫ్యాషన్‌ తదితర రంగాల్లో విశేష కృషి కనబరిచిన వారు ఈ జాబితాలో ఉంటారు.
ఎంటర్‌టైన్మెంట్‌ విభాగంలో (Rashmika) రష్మికతోపాటు రాధిక మదన్‌ కూడా చోటు సంపాదించింది. ఫోర్బ్స్‌ జాబితాను పరిశీలిస్తే అగ్రి బయో టెక్నాలజీ సహ వ్యవస్థాపకులు అంకిత్‌ అలోక్‌ బగారియా, అభి గావ్రి; విరాజ్‌ ఖన్నా (నటుడు), శ్రేయన్స్‌ చోప్రా (సీఈవో మస్టాక్‌); స్పిర్హా బిస్వాస్‌ (సీపీవో ఆగ్నిటో); అజింక్య ధారియా (ప్యాడ్‌ కేర్‌ ల్యాబ్స్‌); అనుపమ్‌ కుమార్‌, అర్వింద్‌ భరద్వాజ్‌ (మినీ మైన్స్‌ సహ వ్యవస్థాపకులు); నవజీత్‌ కర్కేరా, జగత్‌ బిడ్డప్ప (రాప్చర్‌ ఇన్నోవేషన్‌ ల్యాబ్స్‌ సహ వ్యవస్థాపకులు); అభిషేక్ ధురానీ, నేత్రా అజంపూర్‌ (క్రియేటివ్‌ ఏజెన్సీ స్టూడియో సార్టెడ్‌ సహ వ్యవస్థాపకులు); క్రిస్టోఫర్‌ రిచర్డ్‌ (స్టూడియో కార్బన్‌); అనుష్క రాఠోడ్‌ (డిజిటల్‌ కంటెంట్‌ క్రియేటర్‌); దిప్‌రాజ్‌ జాదవ్‌ (డిజిటల్‌ కంటెంట్‌ క్రియేటర్‌); ఆదిత్‌ పలీచా, కైవల్య వోహ్రో (జెప్టో సహ వ్యవస్థాపకులు) ఉన్నారు.
వారితోపాటు వరుణ్‌ సంఘీ (కార్ ట్రేడ్‌ వెంచర్స్‌); అనుపమ్‌ పెదార్ల, శశాంక్‌ రెడ్డి గుజ్జుల, రాహుల్‌ అట్లూరి (నెక్ట్స్‌ వేవ్‌ టెక్నాలజీస్‌); ఉద్ధవ్‌ కుమార్‌ (లింకిట్‌ సీఈవో); విశేష్‌ ఖన్నా (ఏకే-ఓకే సహ వ్యవస్థాపకుడు); విశాల్ తొలంబియా (హ్యూమానిటీ సెంటర్డ్‌ డిజైన్స్‌ సీఈవో); సీతా లక్ష్మీ నారాయణ్‌ (ప్రేమ్‌జీ ఇన్వెస్ట్‌ వైస్‌ ప్రెసిడెంట్‌); విష్ణు ఆచార్య (రేజర్‌పే, స్ట్రాటజీ హెడ్‌); అభిషేక్ అగర్వాల్‌ (ఫార్మ్‌లీ డైరెక్టర్); నదీమ్‌ అహ్మద్‌ (మెకన్సే అండ్‌ కంపెనీ సీనియర్‌ కన్సల్టెంట్‌); ఆర్యన్‌ చౌహాన్‌ (జీవోవ్‌ సహ వ్యవస్థాపకుడు); రామకృష్ణ మెందు, చిరాగ్‌ జైన్‌ (ఎండ్యూర్‌ ఎయిర్‌ సిస్టమ్స్‌ సీఈవో, సీటీవో); అదిత్‌ సైగల్‌ (నటి, సంగీతకారిణి); హన్నీ భగచందానీ (టార్చిట్‌ వ్యవస్థాపకుడు); పరుల్‌ చౌదరి (అథ్లెట్); సుమిత్‌ అంతిల్‌ (పారా అథ్లెట్); జ్యోతి యారాజీ (అథ్లెట్) ఉన్నారు.
యాత్ర 2 సినిమా రివ్యూ & రేటింగ్!
ఈగల్ సినిమా రివ్యూ & రేటింగ్!
లాల్ సలామ్ సినిమా రివ్యూ & రేటింగ్!
