ఒకప్పడు రోజు 30 నిమిషాలే టీవీ… ఇప్పుడు స్టార్‌ హీరోయిన్‌.. ఎవరో తెలుసా?

సినిమాల్లోకి రావాలని తొలుత నుండి అనుకుంటూ వచ్చారంటే వాళ్లు కచ్చితంగా నెపో కిడ్స్‌ అయ్యే ఉంటారు. ఎందుకంటే వాళ్లకు మాత్రమే ఆ అవకాశం ఉంటుంది. మిగిలినవాళ్లు చిన్నతనం నుండి అలా అనుకోరు. అనుకున్నా ఇళ్లలో ఊరుకోరు. పెద్దయ్యాక ఏదో సందర్భంలో ఆలోచన వచ్చి, ప్రయత్నం చేసి అవుతారు. అయితే అంతకుముందు వాళ్లకు సినిమాలతో పెద్దగా సంబంధం ఉండదు. అదే వాళ్లు మధ్య తరగతి వాళ్లు అయితే ఇంకా ఉండదు. ఇలా ఓ హీరోయిన్‌ చిన్నతనంలో సినిమాలకు దూరంగా, సినిమా వాళ్లకు దూరంగా పెరిగింది.

Rashmika Mandanna

ఎంతలా అంటే రోజులో కేవలం అర్ధ గంట మాత్రమే టీవీ చూసే అవకాశం ఆమె ఉండేది. స్కూలు అయిపోయాక, చదువులు పూర్తయ్యాక ఆ ఛాన్స్‌ ఇచ్చేవారు. సినిమా వాళ్లను కూడా దూరం నుండి చూసిన అనుభవమే ఆమెకు. కానీ ఇప్పుడామె స్టార్‌ హీరోయిన్‌.. అది కూడా పాన్‌ ఇండియా స్టార్‌ హీరోయిన్‌. ఇదంతా.. నేషనల్‌ క్రష్‌ రష్మిక (Rashmika Mandanna)  గురించే. ఇటీవల ఆమె మీడియాతో మాట్లాడుతూ కొన్ని ఆసక్తికర వ్యాఖ్యలు చేసింది.

సినీ ప్రపంచంలో భాగమవుతానని ఎప్పుడూ ఊహించలేదని, ఆ ఆలోచన కూడా లేదని, ఎక్కువగా హాస్టల్‌లో పెరిగినందున సినిమాలతో పరిచయం చాలా తక్కువ అని చెప్పింది. రోజూ కేవలం 30 నిమిషాలు మాత్రమే టీవీ చూసేవాళ్లమని, అప్పుడప్పుడూ నాన్నతో కలసి సినిమాల్ని చూసేదానినని చిన్ననాటి రోజులు గుర్తు చేసుకుంది. అలా దూరం నుండి నటులను ఆరాధించేదాన్ని. కానీ అనుకోకుండా ఇప్పుడు నటిని అయ్యానని అని చెప్పింది.

ఇప్పుడు చాలా మంది ప్రేక్షకులు సూపర్‌స్టార్‌ అని పిలుస్తున్నారని, ఇది వినడానికి ఆశ్చర్యంగా ఉందని చెప్పింది. అయితే వాళ్లు అలా అంటుంటే నేను నా లక్ష్యాన్ని చేరుకున్నట్లు అనిపిస్తోంది అని చెప్పింది రష్మిక మందన. ఇటీవల ‘పుష్ప: ది రూల్‌’లో (Pushpa 2: The Rule) శ్రీవల్లిగా వచ్చిన రష్మిక.. త్వరలో ‘ఛావా’లో (Chhaava) ఏసుబాయిగా రాబోతోంది. ఆ సినిమా ప్రచార చిత్రాలు ఆకర్షణీయంగా ఉన్నాయి. అయితే కాంట్రవర్శీలు కూడా మొదలయ్యాయి.

వెంకటేష్ ని చూసి స్టార్ హీరోలు, యంగ్ హీరోలు నేర్చుకోవాల్సింది ఇదే..!