ఈ ఏడాది విడుదలైన ‘సరిలేరు నీకెవ్వరు’ చిత్రం ఎంత పెద్ద హిట్ అయ్యిందో ప్రత్యేకంగా చెప్పనక్కర్లేదు. మహేష్ బాబు హీరోగా నటించిన ఈ చిత్రంలో రష్మిక మందన హీరోయిన్ గా నటించింది. చెప్పాలంటే రష్మిక కు ఓ స్టార్ హీరో సినిమాలో నటించే అవకాశం ఇచ్చింది కూడా ‘సరిలేరు నీకెవ్వరు’ చిత్రమే అని చెప్పాలి. అనిల్ రావిపూడి డైరెక్షన్లో తెరకెక్కిన ఈ చిత్రంలో మహేష్ ను టీజ్ చేసే అల్లరి అమ్మాయిగా రష్మిక ఎనర్జిటిక్ పెర్ఫార్మెన్స్ ఇచ్చింది.
ఆ చిత్రం షూటింగ్ సమయంలో మహేష్ కు అలాగే.. అతని కూతురు సితారకి, అలాగే మహేష్ భార్య నమ్రతకి కూడా మంచి ఫ్రెండ్ అయిపోయింది రష్మిక.ఆ ఫ్రెండ్ షిప్ వల్లే అనుకుంట మహేష్ కు ఓ గిఫ్ట్ పంపింది రష్మిక. లాక్ డౌన్ కారణంగా తన సొంత ఊరు.. కర్ణాటక జిల్లాలోని కూర్గ్ లోనే చిక్కుకుపోయిన రష్మిక.. అక్కడి ప్రకృతి అందాలను చూస్తూ బాగా ఎంజాయ్ చేస్తుంది. ఈ క్రమంలో తన ఫార్మ్ హౌజ్ లో పండిన మామిడికాయలను, వాటితో పెట్టిన ఆవకాయని టాలీవుడ్లోని తన స్నేహితులు కొంతమందికి పంపిందట రష్మిక.
ఇందులో భాగంగా మహేష్ బాబుకి కూడా ఫ్రూట్స్, మ్యాంగో పికిల్ తో సహా కొన్ని ఐటెమ్స్ ను గిఫ్ట్ గా ప్యాక్ చేసి పంపించిందట రష్మిక. ఈ విషయాన్ని మహేష్ సతీమణి అయిన నమ్రత తన సోషల్ మీడియా ద్వారా తెలియజేసింది. ‘లాక్ డౌన్ టైములో మేం అందుకున్న మొదటి గిఫ్ట్ ఇదే..నీ ప్రేమకి థాంక్యూ’ అంటూ రష్మికను ట్యాగ్ చేసి చెప్పుకొచ్చింది నమ్రత.
Most Recommended Video
మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!
Home