తమిళ సూపర్ స్టార్ సినిమాలో హీరోయిన్ గా రష్మిక

“ఛలో” సినిమాతో తెలుగు తెరకు పరిచయమైన రష్మిక అనంతరం “గీత గోవిందం, దేవదాస్” లాంటి బ్లాక్ బస్టర్ హిట్స్ తో దూసుకుపోయింది. ఈ మూడు సినిమాలతో రష్మిక స్టార్ హీరోయిన్ స్థాయికి ఎగబాకింది. ఇప్పుడు ఈ అమ్మడికి అస్సలు ఎక్స్ పెక్ట్ చేయను బంపర్ ఆఫర్ వచ్చిందని ఫిలిమ్ నగర్ టాక్. ఏకంగా తమిళ సూపర్ స్టార్ విజయ్ తో జతకట్టబోతున్నట్టు సమాచారం. “తెరి, మెర్సల్” లాంటి సూపర్ హిట్స్ అనంతరం విజయ్ మరోసారి అట్లీ దర్శకత్వంలో నటించనున్న ఈ చిత్రం అతి త్వరలో ప్రారంభం కానుంది.

ఆల్రెడీ తెలుగులో మోస్ట్ పాపులర్ & వాంటెడ్ హీరోయిన్ అయిన రష్మిక మండన్నా ఇప్పుడు తమిళ సూపర్ స్టార్ అయిన విజయ్ సినిమాలో నటించే అవకాశం సొంతం చేసుకోవడంతో అక్కడ కూడా హవా కొనసాగించే అవకాశం పుష్కలంగా ఉంది. మరి రష్మిక ఈ బంపర్ ఆఫర్ ను ఏమేరకు సద్వినియోగపరుచుకుంటుందో చూడాలి.