టాలీవుడ్ ఇండస్ట్రీలో ప్రస్తుతం నంబర్ వన్ హీరోయిన్ ఎవరనే ప్రశకు ఎలాంటి సందేహం లేకుండా శ్రీలీల పేరు సమాధానంగా చెప్పవచ్చు. శ్రీలీల ఏ సినిమాలో నటించినా ఆ సినిమా సక్సెస్ సాధించే విధంగా జాగ్రత్తలు తీసుకుంటున్న సంగతి తెలిసిందే. అదే సమయంలో సినిమా సినిమాకు శ్రీలీలకు క్రేజ్ పెరుగుతోంది. శ్రీలీల వల్ల సినిమా ఇండస్ట్రీకి చెందిన ఆరుగురు హీరోయిన్లకు ఆఫర్లు తగ్గాయని టాక్ ఉంది. అయితే రష్మిక స్టార్ హీరోయిన్ కావడానికి శ్రీలీల కారణమని కామెంట్లు వినిపిస్తున్నాయి.
వెంకీ కుడుముల డైరెక్షన్ లో తెరకెక్కిన ఛలో సినిమాతో హీరోయిన్ గా (Rashmika) రష్మిక కెరీర్ మొదలైందనే సంగతి తెలిసిందే. అయితే ఈ సినిమాలో మొదట హీరోయిన్ గా శ్రీలీల పేరును పరిశీలించారని అయితే కొన్ని రీజన్స్ వల్ల శ్రీలీల ఈ సినిమాలో నటించలేదని బోగట్టా. ఒకవేళ శ్రీలీల ఈ సినిమాకు ఓకే చెప్పి ఉంటే రష్మిక ఈ రేంజ్ లో సక్సెస్ అయ్యేవారు కాదని కామెంట్లు వ్యక్తమవుతున్నాయి.
మరోవైపు శ్రీలీల జాతకం అద్భుతంగా ఉందని మరో ఐదేళ్ల పాటు ఆమె కెరీర్ కు ఢోకా లేదని తెలుస్తోంది. ఎక్కువ మొత్తం పారితోషికం డిమాండ్ చేసినా శ్రీలీలకు ఆఫర్లు ఇవ్వడానికి నిర్మాతలు మాత్రం సిద్ధంగానే ఉన్నారు. ఈ మధ్య కాలంలో శ్రీలీల తన సినిమాలకు డేట్లు కేటాయించడం కష్టమవుతోందని కొత్త సినిమాలకు డేట్లు కేటయించే విషయంలో కూడా ఆమె ఇబ్బందులు పడుతున్నారని సమాచారం.
శ్రీలీల సినిమాలలో మూడు సినిమాలు ఈ ఏడాదే థియేటర్లలో విడుదలవుతున్నాయి. శ్రీలీల గోల్డెన్ లెగ్ అని కొంతమంది దర్శకనిర్మాతలు కామెంట్లు చేస్తున్నారు. శ్రీలీల అందరు స్టార్ హీరోలతో కలిసి నటించేలా కెరీర్ ను ప్లాన్ చేసుకుంటున్నారని సమాచారం. శ్రీలీల క్రేజ్ మరింత పెరగాలని ఇతర ఇండస్ట్రీలలో సైతం శ్రీలీల సత్తా చాటాలని అభిమానులు కోరుకుంటున్నారు.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
