స్టార్ హీరో రామ్ చరణ్ ఒకవైపు హీరోగా కొనసాగుతూనే మరోవైపు సినిమాలను నిర్మిస్తూ రెండు పడవల ప్రయాణం చేస్తున్న సంగతి తెలిసిందే. అయితే చరణ్ హీరోగా సక్సెస్ కావడంతో పాటు నిర్మాతగా కూడా విజయాలను సొంతం చేసుకుంటూ ఉండటం గమనార్హం. తండ్రి చిరంజీవితో ఎక్కువగా సినిమాలను నిర్మించిన చరణ్ మాస్ మహారాజ్ రవితేజతో డ్రైవింగ్ లైసెన్స్ సినిమా రీమేక్ ను నిర్మించనున్నారని వార్తలు వినిపిస్తున్నాయి.
మొదట ఈ సినిమాలో రామ్ చరణ్ హీరోగా నటిస్తున్నాడని వార్తలు రాగా తర్వాత పవన్ కళ్యాణ్ నటిస్తున్నాడని ప్రచారం జరిగింది. అయితే ఈ రీమేక్ చివరకు రవితేజ దగ్గరకు చేరిందని సమాచారం. రామ్ చరణ్ నిర్మిస్తే రవితేజ నో చెప్పే అవకాశాలు అయితే లేవనే చెప్పాలి. అయితే డ్రైవింగ్ లైసెన్స్ ప్రయోగాత్మక సినిమా కావడంతో మాస్ మహారాజ్ అభిమానులు మాత్రం టెన్షన్ పడుతుండటం గమనార్హం.
గతంలో రవితేజ సారొచ్చారు, డిస్కోరాజా మరికొన్ని ప్రయోగాత్మక సినిమాల్లో నటించగా ఆ సినిమాలు బాక్సాఫీస్ దగ్గర డిజాస్టర్ రిజల్ట్ ను సొంతం చేసుకున్న సంగతి తెలిసిందే. రవితేజ నటించిన ప్రయోగాత్మక సినిమాలు అతనికి భారీ షాకులిచ్చాయి. ఇలాంటి సమయంలో రవితేజ డ్రైవింగ్ లైసెన్స్ లో నటిస్తారో లేదో తెలియాలంటే మరికొన్ని రోజులు ఆగాల్సిందే. క్రాక్ సినిమాతో సక్సెస్ ట్రాక్ లోకి వచ్చిన రవితేజ ప్రస్తుతం ఖిలాడీ సినిమాలో నటిస్తున్నారు. రమేశ్ వర్మ డైరెక్షన్ లో తెరకెక్కుతున్న ఈ సినిమా ఈ ఏడాది సెకండాఫ్ లో రిలీజ్ కానుంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home