టాలీవుడ్ హీరో రవితేజ తన సినిమాలతో మాస్ ఆడియన్స్ ని ఆకట్టుకుంటూ ఉంటాడు. ఈ మధ్యకాలంలో ఆయనకి సరైన హిట్టు సినిమా పడలేదు. భారీ అంచనాల మధ్య విడుదలైన ‘డిస్కో రాజా’ సినిమా కూడా ఫ్లాప్ అవ్వడంతో డీలా పడ్డాడు ఈ హీరో. ప్రస్తుతం రవితేజ.. గోపీచంద్ మలినేని దర్శకత్వంలో ‘క్రాక్’ అనే సినిమాలో నటిస్తున్నాడు. ప్రస్తుతం షూటింగ్ జరుపుకుంటున్న ఈ సినిమా త్వరలోనే ప్రేక్షకుల ముందుకు రానుంది. ఇదిలా ఉండగా.. రవితేజ వరుస సినిమాలను లైన్ లో పెడుతున్నాడు.
ఈ క్రమంలో తాజాగా ‘ఖిలాడీ’ అనే మరో సినిమా అనౌన్స్ చేశాడు. రమేష్ వర్మ దర్శకత్వంలో ఈ సినిమా తెరకెక్కనుంది. ఫస్ట్ లుక్ పోస్టర్ కూడా రిలీజ్ చేశారు. దీనికి ‘ప్లే స్మార్ట్’ అనే ట్యాగ్ లైన్ జోడించారు. అంటే ఇందులో మాస్ హీరో స్మార్ట్ గా కనిపంచబోతున్నాడన్నమాట. అందుతున్న సమాచారం ప్రకారం.. ఈ సినిమాలో రవితేజ డ్యూయల్ రోల్ పోషించబోతున్నాడట. ఇప్పటివరకు తన పాత్రల్లో వేరియేషన్స్ చూపించిన రవితేజ చాలా రోజులకి డ్యూయల్ రోల్ లో కనిపించడానికి సిద్ధమవుతున్నాడు.
తమిళంలో హిట్ అయిన ఓ సినిమా స్ఫూర్తితో ‘ఖిలాడీ’ చిత్రాన్ని తెరకెక్కించనున్నారు. ఈ సినిమాలో రవితేజ సరసన మీనాక్షి చౌదరి, డింపుల్ హయతి హీరోయిన్లుగా నటించబోతున్నారు. త్వరలోనే ఈ సినిమా షూటింగ్ మొదలుపెట్టనున్నారు.
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
Home