శ్రీ వెంకటేశ్వర క్రియేషన్స్ బ్యానర్లో అనేకమందిని డైరక్టర్ గా దిల్ రాజు పరిచయం చేశారు. ఆర్య సినిమా ద్వారా సుకుమార్ కి ఛాన్స్ ఇచ్చారు. ఆ సినిమా సూపర్ హిట్ అయింది. అయినా ఇద్దరి కాంబినేషన్లో మరో మూవీ రాలేదు. ఇద్దరి మధ్య విభేదాలు తలెత్తాయని చెప్పారు కానీ, ఆ గొడవకు కారణం బయటికి రాలేదు. దీనిపై దిల్ రాజు రీసెంట్ గా స్పందించారు. ‘నేను కథల విషయంలో చాలా స్ట్రిక్టుగా ఉంటాను. ఏవైనా డౌట్లు ఉంటే వెంటనే అడిగేస్తుంటాను. సుకుమార్ రెండో సినిమా ‘జగడం’ను కూడా నేనే నిర్మించాల్సింది. మొదట ఆ సినిమాలో కూడా బన్నీనే హీరోగా అనుకున్నాం.
అయితే పూర్తి కథ విన్నాక నాకు కొంచెం భయం వేసింది. ఇది వర్కవుట్ కాదని అనిపించింది. బన్నీకి కూడా ఆ స్ర్కిప్టు నచ్చలేదు. స్ర్కిప్టు మార్చమని సుక్కూకు చెప్పా. కానీ, అతను రాజీ పడలేదు. రాత్రికి రాత్రే వేరే నిర్మాతకు కథ చెప్పి ఒప్పించి రామ్తో ‘జగడం’ మొదలెట్టేశాడు.” అని చెప్పారు దిల్ రాజు. ‘జగడం’ ఓపెనింగ్ కి దిల్ రాజు వెళ్లినా, ఇద్దరూ కలిసి సినిమా చేయలేదు.
Also, do SUBSCRIBE to our YouTube channel to get latest Tollywood updates.
