సమంత సినిమా ఓపెనింగ్స్ కి రాకపోవడానికి కారణం ఇదేనంట!

టాలీవుడ్ క్యూట్ బ్యూటీ సమంత ఏమి చేసినా క్యూట్ గానే ఉంటుంది. సినిమాలో ఆమె ముద్దు ముద్దు మాటలకు ఎంతమంది ఫ్యాన్స్ అయ్యారో చెప్పలేము. అలాగే ఆమె చేసే పనులు కూడా క్యూట్ గానే ఉంటాయి. అలాంటి సంఘటన మొన్న ఒకటి జరిగింది. పెళ్లి తర్వాత తొలిసారి నాగ చైతన్యతో కలిసి సమంత ఓ సినిమా చేస్తోంది. నిన్నుకోరి ఫేమ్ శివ నిర్వాణ దర్శకత్వంలో తెరకెక్కనున్న ఈ చిత్రం‌ షూటింగ్‌ లాంఛనంగా ప్రారంభమయింది. అయితే పూజలో భాగంగా యూనిట్‌ సభ్యులు దేవుడికి కొబ్బరికాయలు కొట్టారు. అందులో భాగంగానే సమంత కూడా కొబ్బరి కాయ కొట్టడానికి ప్రయత్నించారు. కానీ అది రెండు ముక్కలు అవలేదు.

దీంతో పూజారి చేతికి కొబ్బరికాయ ఇచ్చేశారు. ఈ సంఘటనకు సంబంధించిన వీడియోను ఓ నెటిజన్‌ ట్విటర్‌లో షేర్‌ చేశారు. దాన్ని చూసిన సమంత అసలు విషయాన్ని ఒప్పుకున్నారు. “‘నా జీవిత కథ.. సినిమా ఓపెనింగ్స్‌కు వెళ్లడానికి నాకు ఇష్టం ఉండదు.. దానికి కారణం ఇదే” అని ట్వీట్‌ చేశారు. జిమ్‌లో 50, 70 కిలోల బరువు ఎత్తే సమంతకు ఇది కష్టమైన పనా? అనే అనుమానం మరొకరు వ్యక్తం చేశారు. అందుకు కూడా సమంత వివరణ ఇచ్చారు. “నువ్వు అలా అనుకుంటావ్‌.. అది టెక్నిక్‌తో కూడుకున్న పని” అని వివరించారు. అయితే ఎక్కువమంది మాత్రం సమంత నువ్వు చాలా క్యూట్ కాబట్టి కొబ్బరికాయ పగలలేదని ఆమెపై ప్రేమని వ్యక్తం చేశారు.