రాజమౌళి అత్యంత ప్రతిష్టాత్మకంగా తెరకెక్కిస్తున్న భారీ మల్టీ స్టారర్ చిత్రం ‘ఆర్.ఆర్.ఆర్’. చరణ్ – ఎన్టీఆర్ వంటి స్టార్ హీరోలు నటిస్తుండడంతో ఈ చిత్రం పై భారీ అంచనాలున్నాయి. కేవలం టాలీవుడ్లో మాత్రమే కాదు బాలీవుడ్, కోలీవుడ్ లో కూడా ఈ చిత్రం కోసం ఎంతో ఆసక్తిగా ఎదురు చూస్తున్నారు ప్రేక్షకులు. ప్రస్తుతం షూటింగు దశలో వుంది ఈ చిత్రం. ఇటీవల ‘ఆర్.ఎఫ్.సి’ లో రాంచరణ్ ఇంట్రడక్షన్ ఫైట్ ను చిత్రీకరించారు. ఈ చిత్రంలో ఎన్టీఆర్ బందిపోటుగా .. చరణ్ పోలీస్ ఆఫీసర్ గా కనిపించబోతున్నారని గత కొంతకాలం నుండీ వార్తలొస్తున్న సంగతి తెలిసిందే.
ఇదిలా ఉండగా.. ఈ చిత్రంలో ముఖ్యమైన పాత్రల కోసం సముద్రఖని .. ప్రియమణిని ఎంపిక చేసినట్టుగా కూడా వార్తలొచ్చాయి. వీరితో పాటు బాలీవుడ్ నటుడు అజయ్ దేవగ న్ ను తీసుకున్నారనే టాక్ బలంగా వినిపించింది. అయితే తనకి రాని భాషలో నటించడం అజయ్ దేవగణ్ కి అస్సలు ఇష్టం వుండదట . అందువలనే ‘2.0’ ‘భారతీయుడు 2’ వంటి చిత్రాలలో ఆఫర్ వచ్చినా.. రిజెక్ట్ చేసాడట. అయితే రాజమౌళి మాత్రం .. ఈ చిత్రంలో అజయ్ దేవగణ్ రోల్ కథని మలుపు తిప్పేదిగా ఉంటుందని, తెరపై కొన్ని నిమిషాలు మాత్రమే కనిపిస్తుందని చెప్పి ఒప్పించాడని టాక్ వినిపిస్తుంది. ‘ఈగ’ హిందీ వెర్షన్ కి అజయ్ దేవగన్ డబ్బింగ్ చెప్పిన సంగతి తెలిసిందే. అప్పటి నుండీ అజయ్ దేవగన్ – రాజమౌళి ల మధ్య మంచి స్నేహ బంధం ఏర్పడింది. దీని కారణంగానే రాజమౌళి ఈ చిత్రంలో అజయ్ దేవగన్ ని ఖరారు చేయడం దాదాపు ఖాయంగానే కనిపిస్తుంది.అందులోనూ అజయ్ దేవగన్ ని తీసుకుంటే బాలీవుడ్ లో బిజినెస్ బాగా జరిగే అవకాశం ఉంది కాబట్టి.. రాజమౌళి ఈ నిర్ణయం తీసుకోనున్నట్టు.. ఫిలింనగర్ విశ్లేషకుల సమాచారం.
Home