Regina: రెజీనా డబుల్‌ మీనింగ్‌ జోక్‌లు.. ఎందుకో?

September 12, 2022 / 11:59 AM ISTByFilmy Focus

Join Us

Regina: రెజీనా డబుల్‌ మీనింగ్‌ జోక్‌లు.. ఎందుకో?

ఒకరిని ఒక మాట అనేయడం ఈజీ, కానీ మాట పడకుండా ఉండటం చాలా కష్టం అని చెబుతారు. అలా ఒక మాట అనేసి, ఇప్పుడు తిరిగి మాటలు మాటలు పడుతోంది కథానాయిక రెజీనా. అప్పుడు ఆమెను సపోర్టు చేసి మాట్లాడిన యువత, నెటిజన్లు ఇప్పుడు ఆమెను తిరిగి కౌంటర్లు వేస్తున్నారు. దీనికి కారణం ఆమె ఓ ఇంటర్వ్యూలో భాగంగా పేల్చిన అడల్ట్‌ జోకే. పురుషుల గురించి ఆమె చేసిన కామెంట్స్‌ ఇప్పుడు ఆమెకు రివర్స్‌ అవుతున్నాయి.

రెజీనా కసాండ్రా, నివేదా థామస్‌ కలసి నటించిన ‘శాకిని డాకిని’ సినిమా ప్రచారంలో భాగంగా ఓ ఫుడ్‌ వ్లాగర్‌కి ఇంటర్వ్యూ ఇచ్చారు. ఈ క్రమంలో ‘‘అబ్బాయిల గురించి తనకు ఓ జోక్‌ తెలుసని, అయితే ఇప్పుడు ఇక్క చెప్పొచ్చే లేదో తెలియదని. కానీ చెప్పేస్తా’’ అంటూ ఓ డబుల్‌ మీనింగ్‌ జోక్‌ వేసింది రెజీనా. ‘‘అబ్బాయి.. మ్యాగీ రెండూ ఒకటే. రెండు నిమిషాల్లో అయిపోతాయ్‌’’ అనేది ఆమె చెప్పిన జోక్‌. దీని అర్థమేంటో తెలిసే ఉంటుంది.

దీంతో ఈ వీడియో ఇప్పుడు వైరల్‌గా మారింది. మొన్నీ మధ్యే మీడియా పర్సనర్‌తో రెజీనా దురుసుగా ప్రవర్తించిన విషయం తెలిసిందే. ‘‘సినిమాలో మీ పాత్రకి ఓసీడీ ఉంది కదా.. నిజ జీవితంలోనూ మీరు ఇలానే ఉంటారా’’ అని ఓ మీడియా ప్రతినిధి అడిగారు. దానికి రెజీనాకి ఎందుకో గానీ కోపం వచ్చేసింద. ‘‘మేం సినిమా కోసం చాలా కష్టపడ్డాం. దాని గురించి కాకుండా ఓసీడీ గురించి అడగడం ఏంటి?’’ అంటూ విరుచుకుపడింది.

ఈ క్రమంలో కొంతమంది నెటిజన్ల నుండి ఆమెకు మద్దతు దొరికింది. ఇలాంటి ప్రశ్నలు అడగం సరికాదు అంటూ కొంతమంది నెటిజన్లు సూచనలు చేశారు. కానీ ఇప్పుడు రెజీనా కొత్త వీడియో తర్వాత పరిస్థితిలో మార్పు వచ్చింది. అందుకే అప్పుడనేసి, ఇప్పుడు మాటలు పడుతోంది అని అంటున్నారు. రెజీనా దగ్గర ఇలాంటి జోకులు మాత్రమే ఉన్నాయా? అటువంటి జోక్స్ వేస్తారా? అని ప్రశ్నిస్తున్నారు.