రవితేజ సినిమాకి రిపేర్లు!

మాస్ మహారాజా రవితేజ చాలా కాలంగా హిట్ రుచి చూడలేకపోతున్నారు. ఆయన నటిస్తోన్న సినిమాలన్నీ కూడా బాక్సాఫీస్ వద్ద బోల్తా కొడుతున్నాయి. చివరగా ఆయన నుండి వచ్చిన ‘డిస్కో రాజా’ సినిమా కూడా డిజాస్టర్ అయింది. ఈ క్రమంలో ప్రయోగాల జోలికి వెళ్లకుండా తనకు కలిసొచ్చిన మాస్ కథలతోనే సినిమాలు చేయాలనుకుంటున్నాడు. ఈ క్రమంలో దర్శకుడు గోపీచంద్ మలినేని చెప్పిన ‘క్రాక్’ సినిమాలో నటిస్తున్నాడు. గతంలో గోపీచంద్ మలినేని తెరకెక్కించిన ‘డాన్ శీను’, ‘బలుపు’ లాంటి సినిమాలు మంచి హిట్లు అందుకున్నాయి.

అందుకే మరోసారి తనకు హిట్లు ఇచ్చిన దర్శకుడినే నమ్ముకున్నాడు రవితేజ. ఈ ఏడాది ఆరంభంలో వచ్చిన ‘క్రాక్’ టీజర్ మాస్ ప్రేక్షకులను బాగానే ఆకట్టుకుంది. అన్ లాక్ లో భాగంగా నెల కిందటే సినిమా షూటింగ్ పునః ప్రారంభించారు. టాకీ పార్ట్ మొత్తం పూర్తి చేశారు. కానీ రషెస్ చూసుకున్న తరువాత కొన్ని సన్నివేశాలు అనుకున్నంత ఎఫెక్టివ్ గా లేవని భావించిన చిత్రబృందం వాటిని రీషూట్ చేయాలని నిర్ణయించుకుందట. రవితేజ కెరీర్ కి ఈ సినిమా చాలా కీలకం. అందుకే సంతృప్తికరంగా లేని సన్నివేశాలను రీషూట్ చేయాలని ఫిక్స్ అయ్యారు.

ఒంగోలు ప్రాంతంలో ఆ సన్నివేశాలను మళ్లీ చిత్రీకరిస్తున్నట్లు తెలుస్తోంది. కొన్ని రోజుల్లోనే ఆ సన్నివేశాలన్నీ పూర్తి చేసి.. తరువాత పోస్ట్ ప్రొడక్షన్ కి వెళ్లనున్నారు. ఈ సినిమాను సంక్రాంతికి రిలీజ్ చేయనున్నట్లు ఇటీవల చిత్రబృందం ప్రకటించింది. ఆ సమయానికి ఎట్టి పరిస్థితుల్లో సినిమాను రిలీజ్ చేస్తారని తెలుస్తోంది. తమిళ సినిమా ‘సేతుపతి’ని స్ఫూర్తిగా తీసుకొని ఈ సినిమా తెరకెక్కిస్తున్నట్లు సమాచారం.

Most Recommended Video

ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!