టాలీవుడ్ మెగాస్టార్ చిరంజీవి దాదాపుగా 10ఏళ్ల తరువాత మళ్లీ ఇండస్ట్రీలోకి అడుగుపెడుతున్నాడు. అయితే అప్పుడు చిరంజీవి వేరు…ఇప్పుడు చిరంజీవి వేరు… ఎందుకంటే అప్పటికీ, ఇప్పటికీ చిరులో అన్ని రకాలుగా మార్పులు వచ్చాయి. ఇదిలా ఉంటే చిరు 150వ సినిమా గురించి ఫాన్స్ లో ఉన్నంత జోష్ ఇండస్ట్రీలో పెద్దగా లేకపోయినప్పటికీ చిరు సినిమాపై ఏదో ఒకవార్త ఎప్పటికప్పుడు బయతలు వస్తూనే ఉంది.
అదే క్రమంలో ఈ సినిమా రీమేక్ అయినప్పటికీ ఎలా అయినా ఈ సినిమాను సూపర్ గా తీర్చి దిద్దాలి అని టాలీవుడ్ టాప్ రైటర్స్ అయితే పరుచూరి సోదరులతో సంభాషణలు రాయిస్తున్నాడు చిరు. ఇదిలా ఉంటే తాజాగా ఎన్నో రూమర్స్ వచ్చాయి, చిరు 150వ సినిమా డైలాగ్స్ విషయంలో పరుచూరి సోదరులకు అవమానం జరిగింది అని, సినిమాలో పదునైన డైలాగ్స్ కోసం ఆకుల సాయి మాధవ్ బుర్రని కూడా సినిమాలో ఇన్వాల్వ్ చేయించారని టాక్ వచ్చింది. అంతేకాకుండా ఒకానొక టైంలో మాటల మాంత్రికుడు త్రివిక్రం కూడా చిరు సినిమాకు పనిచేస్తున్నాడని మీడియా అత్యుత్సాహం చూపించింది. అయితే అవన్నీ కేవలం మీడియా సృష్టే అని తెలిపోయింది. తాజాగా విడుదలయిన మెగాస్టార్ మూవీ ప్రీ లుక్ పోస్టర్ చూస్తే ఇట్టే అర్ధం అయిపోతుంది.
అదెలా అంటే పోస్టర్ లో కేవలం పరుచూరి బ్రదర్స్ అని ఉందే తప్ప ఆకుల శివ, సాయి మాధవ్ బుర్రా వీరెవరి పేర్లు ప్రస్థావించలేదు. సో బ్రదర్స్ ను కాదని వేరే రైటర్స్ తో మాటలు రాయించాడని వచ్చిన వార్తలన్ని అబద్ధమే అని తేలింది. ఏది ఏమైనా….చిరు 150వ సినిమా ప్రీలుక్ అదిరింది అనే చెప్పాలి. మరి అదే రేంజ్ లో సినిమా ఉంటే….”మెగాస్టార్ ఈజ్ బ్యాక్” అన్న అభిమానుల స్టేట్మెంట్స్ కి జస్టిఫికేషన్ దొరికినట్లే.
