Tuck Jagadish: ఈ మూవీతో రీతూవర్మ జాతకం మారుతుందా..?

అష్టాచమ్మా సినిమాతో హీరోగా కెరీర్ ను మొదలుపెట్టిన నాని తొలి సినిమా నుంచి గతేడాది విడుదలైన వీ సినిమా వరకు ఎన్నో వైవిధ్యమైన కథల్లో నటించి నాచురల్ స్టార్ గా మంచి పేరు, గుర్తింపును సంపాదించుకున్నారు. శివ నిర్వాణ డైరెక్షన్ లో నాని నటించిన టక్ జగదీష్ సినిమా ఈ నెల 23వ తేదీన రిలీజ్ కానుండగా ఈ సినిమాపై ప్రేక్షకుల్లో భారీగా అంచనాలు నెలకొన్నాయి. నాని శివ నిర్వాణ కాంబినేషన్ లో కొన్నేళ్ల క్రితం తెరకెక్కిన నిన్ను కోరి సూపర్ హిట్ అనే సంగతి తెలిసిందే.

ఎమోషనల్ మూవీగా తెరకెక్కిన నిన్ను కోరి హిట్ కావడంతో పాటు నాని ఎమోషనల్ సీన్స్ లో కూడా అద్భుతంగా నటించగలడని ప్రూవ్ చేసింది. ఆ సినిమా తరువాత శివ నిర్వాణ డైరెక్షన్ లో నాగచైతన్య సమంత కాంబినేషన్ లో మజిలీ సినిమాను తెరకెక్కించగా ఈ సినిమా బాక్సాఫీస్ దగ్గర బ్లాక్ బస్టర్ హిట్ గా నిలిచింది. ఈ సినిమాలో సమంత పోషించిన శ్రావణి పాత్రను ప్రేక్షకులు సులువుగా మరిచిపోలేరు. అయితే టక్ జగదీష్ సినిమాలో ఈ రెండు సినిమాలను మించి ఎమోషనల్ సీన్స్ ఉండబోతున్నాయని తెలుస్తోంది.

జగపతిబాబు, నాని మధ్య వచ్చే సన్నివేశాలు ప్రేక్షకులు కన్నీళ్లు పెట్టుకునేలా ఉంటాయని సమాచారం. టక్ జగదీష్ లో జగపతిబాబు అన్నగా నటిస్తుండగా నాని తమ్ముడి పాత్రలో నటిస్తున్నారు. నానికి జోడీగా ఈ సినిమాలో పెళ్లిచూపులు ఫేమ్ రీతూవర్మ నటించారు. వకీల్ సాబ్ సినిమా రిలీజైన రెండు వారాల తరువాత టక్ జగదీష్ రిలీజ్ అవుతుండటంతో వకీల్ సాబ్ సినిమా హిట్టైనా ఆ ప్రభావం టక్ జగదీష్ మూవీపై పడే అవకాశాలు తక్కువనే చెప్పాలి. టక్ జగదీష్ సినిమా తరువాతైనా రీతూవర్మ వరుస ఆఫర్లతో బిజీ అవుతారేమో చూడాల్సి ఉంది. నాగశౌర్య హీరోగా నటిస్తున్న వరుడు కావలెను సినిమాలో కూడా రీతూవర్మ హీరోయిన్ గా నటిస్తున్నారు.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!