బాహుబలి-2 రికార్డుల్లో మరొకదాన్ని బద్దలుకొట్టిన 2.0

ఏ రంగంలోనైనా పోటీ ఉంటేనే మజా. సినిమా రంగములో ఆ పోటీ రికార్డుల వర్షానికి దారితీస్తుంది. భారతీయ చలన చిత్ర చరిత్రలో ఇప్పటివరకు ఉన్న రికార్డులను బహుబలి కంక్లూజన్ తిరగరాసింది. ఆ సినిమాని రికార్డ్స్ ని బద్దలు కొట్టడానికి తమిళ కమర్షియల్ డైరక్టర్ శంకర్ తెరకెక్కిస్తున్న 2 .0 సినిమా సిద్ధమవుతోంది. ఆరేళ్లక్రితం రిలీజ్ అయి సంచలనం సృష్టించిన రోబో చిత్రానికి సీక్వెల్ గా వస్తున్న ఈ మూవీ దాదాపు 500 కోట్లతో నిర్మితమై బడ్జెట్ లో బాహుబలి 2ని మించింది. సౌత్ ఇండియన్ సూపర్ స్టార్ రజనీకాంత్ శాస్త్రవేత్తగా నటిస్తున్న ఈ చిత్రం తాజాగా మరో రికార్డును బద్దలు కొట్టింది. ఈ సినిమా మలయాళ పంపిణీ హక్కులు రికార్డు స్థాయి ధరను పలికాయి.

బాహుబలి-2 మలయాళ డబ్బింగ్ 10.5 కోట్లు పలకగా.. 2.0 మలయాళీ రైట్స్ 16 కోట్లకు అమ్ముడుపోయాయి. ఈ విధంగా మలయాళంలో భారీ ధర పలికిన డబ్బింగ్ సినిమాగా రోబో-2 నిలిచింది. పోస్ట్ ప్రొడక్షన్ దశలో ఉండగానే 2.0 రికార్డుల వేట కొనసాగుతోంది. మరి రిలీజ్ అయిన తర్వాత ఇంకెన్ని రికార్డులను బద్దలు కొడుతుందో చూడాలి. “ఐ” బ్యూటీ అమీ జాక్సన్ హీరోయిన్ గా నటిస్తున్న ఈ చిత్రంలో బాలీవుడ్ యాక్షన్ హీరో అక్షయ్ కుమార్ విలన్ గా కనిపించనున్నారు. ఆస్కార్ అవార్డు గ్రహీత రెహమాన్ సంగీతమందిస్తున్న ఈ మూవీ ఏప్రిల్ లో రిలీజ్ కానుంది.