బాహుబలి సినిమాల తర్వాత రాజమౌళి చేస్తున్న సినిమాపై అందరి చూపు ఉంది. ఆయన తొలి సారి మల్టీ స్టారర్ మూవీ చేయడం.. అది కూడా నందమూరి, మెగా హీరోలు కలిసి నటిస్తుండడం ఆ క్రేజ్ కి ప్రధాన కారణాలు. డీవీవీ దానయ్య నిర్మిస్తున్న ఈ చిత్రం కోసం నగర శివార్లలో భారీ సెట్స్ వేస్తున్నారు. అలాగే రామోజీ ఫిలిం సిటీలో భారీ సెట్స్ వేస్తున్నారు. ఈ మూవీ కథ ఏంటో తెలుసుకోవాలని అభిమానులు ప్రయత్నిస్తున్నారు. ఒలింపిక్స్ నేపథ్యంలో కథ నడుస్తుందని గతంలో ప్రచారం సాగుతోంది. అందులో ఎంతవరకు నిజం ఉందొ తెలియదు కానీ.. తాజా సమాచారం ప్రకారం ఈ మూవీ బ్రిటిష్ వారు మనదేశాన్ని పాలించిన కాలంలో జరుగుతుందని తెలిసింది.
అందుకే అప్పటి వాతావరణాన్ని ప్రతిభింబించే సెట్స్ వేస్తున్నట్లు టాక్. అలాగే వస్తువులు, దుస్తులు అన్ని అప్పటి కాలానివే సిద్ధం చేస్తున్నట్లు తెలిసింది. రామ్ చరణ్ పాతికేళ్ళు వెనక్కి వెళ్లి రంగస్థలం సినిమా చేసి పదేళ్లు చెప్పుకునే విజయాన్ని అందుకున్నారు. ఇప్పుడు వందేళ్లు వెనక్కి వెళ్లి మరో అద్భుతచిత్రాన్ని అందించనున్నారు. ఈ మూవీ నవంబర్ నుంచి సెట్స్ మీదకు వెళ్లనుంది. ప్రస్తుతం ఎన్టీఆర్… త్రివిక్రమ్ దర్శకత్వం లో అరవింద సమేత వీర రాఘవ సినిమా చేస్తున్నారు. బోయపాటి శీను దర్శకత్వం లో రామ్ చరణ్ చేస్తున్న సినిమా షూటింగ్ నవంబర్ వరకు సాగుతుంది. ఈ చిత్రాల తర్వాత రామ్ చరణ్, ఎన్టీఆర్ #RRR షూటింగ్ లో జాయిన్ అవుతారు.
Home