టాలీవుడ్ ఇండస్ట్రీలో స్టార్ హీరోలలో ఒకరైన బాలయ్యకు (Balakrishna) ఏ రేంజ్ లో క్రేజ్ ఉందో ప్రత్యేకంగా చెప్పాల్సిన అవసరం లేదు. బాలయ్య సినిమాలు సైతం ఒక సినిమాను మించి మరొకటి సక్సెస్ సాధిస్తున్నాయి. బాలయ్య బాబీ (Bobby) కాంబో మూవీ షూటింగ్ శరవేగంగా జరుగుతుండగా 2025 సంవత్సరంలో ఈ సినిమా థియేటర్లలో విడుదల కానుందని తెలుస్తోంది. ఈ ఏడాది బాలయ్య సినిమా థియేటర్లలో విడుదలయ్యే ఛాన్స్ దాదాపుగా లేనట్టేనని చెప్పవచ్చు.
మరోవైపు కథ నచ్చితే బాలయ్య మల్టీస్టారర్ సినిమాలలో నటించడానికి సిద్ధంగా ఉన్నారు. బాలయ్య, రామ్ కాంబినేషన్ లో భారీ మల్టీస్టారర్ దిశగా అడుగులు పడుతున్నాయని ఒక వార్త సోషల్ మీడియా వేదికగా తెగ వైరల్ అవుతోంది. బాలయ్య, రామ్ కాంబోలో నిజంగా సినిమా తెరకెక్కితే మాత్రం ఆ సినిమా నెక్స్ట్ లెవెల్ మూవీ అవుతుందని బాక్సాఫీస్ ను షేక్ చేస్తుందని చెప్పడంలో ఎలాంటి సందేహం అక్కర్లేదు.
అయితే స్టార్ హీరో బాలయ్య నిజంగానే భారీ మల్టీస్టారర్ కు ఓకే చెబుతారా లేదా అనే ప్రశ్నకు మాత్రం సమాధానం దొరకాల్సి ఉంది. మిస్ శెట్టి మిస్టర్ పోలిశెట్టి డైరెక్టర్ మహేశ్ బాబు పి ఈ సినిమాకు దర్శకత్వం వహించనున్నారని వైరల్ అవుతున్న వార్తల సారాంశం. స్టార్ హీరోల మల్టీస్టారర్ల గురించి వార్తలు ప్రచారంలోకి రావడం కొత్తేం కాదు. అయితే ఈ ప్రాజెక్ట్స్ లో ఎన్ని ప్రాజెక్ట్స్ సెట్స్ పైకి వెళ్తాయో చూడాల్సి ఉంది.
కథ ఎంతో అద్భుతంగా ఉంటే తప్ప టాలీవుడ్ స్టార్స్ మల్టీస్టారర్స్ కు ఓకే చెప్పే ఛాన్స్ అయితే ఉండదు. బాలయ్య, రామ్ (Ram) కాంబో వార్తలు నిజం కావాలని ఫ్యాన్స్ కోరుకుంటున్నారు. బాలయ్య ఈ సినిమాకు ఓకే చెబితే ప్రముఖ నిర్మాణ సంస్థ ఈ సినిమాను నిర్మించే అవకాశాలు అయితే ఉన్నాయి. బాలయ్య ఇంకా ఈ సినిమా కథ వినాల్సి ఉందని భోగట్టా. బాలయ్య త్వరలో అఖండ2 (Akhanda) మూవీ షూట్ తో బిజీ కానున్నారు.
